വി.എസ്.രാധാകൃഷ്ണന്‍

സമത്വത്തിനും സ്വാതന്ത്യ്രത്തിനും വേണ്ടി സാഹസികമായി ജീവിക്കാന്‍ ഒരു സമൂഹത്തെ പഠിപ്പിച്ച അപൂര്‍വ്വം കേരളീയ സാമൂഹ്യനവോത്ഥാന നായകരില്‍ അഗ്രഗണ്യനാണ് മഹാത്മ അയ്യങ്കാളി. അസ്പൃശതയുടെ പേരില്‍ പൊതുനിരത്തിലൂടെ സഞ്ചാരം നിഷേധിക്കപ്പെട്ട അധ:കൃത സമൂഹത്തിന്റെ അടിത്തട്ടില്‍ നിന്നും സവര്‍ണ്ണ മേധാവിത്തത്തെ വെല്ലുവിളിച്ചുകൊണ്ട് അയ്യങ്കാളി നടത്തിയ പ്രഥമ സമരമായ സഞ്ചാര സ്വാതന്ത്യ്രത്തിനുവേണ്ടിയുള്ള (വില്ലുവണ്ടിയാത്രയുടെ) പ്രതിമാവിഷ്ക്കാരമാണ് അയ്യങ്കാളിയുടെ 150-ാം ജന്മദിനമായ 2012 ആഗസ്റ് 30ന് ചെറായി അംബേദ്കര്‍ ബീച്ചില്‍ അനാച്ഛാദനത്തിന് ഒരുക്കുന്നത്.

കേരളത്തില്‍ സാമൂഹ്യ നവോത്ഥാനത്തിന്റെ വിപ്ളവം വിതയ്ക്കാന്‍ തലപ്പന്തിയില്‍ നിന്നവരുടെ പ്രതിമാസമുച്ചയം തീര്‍ക്കാനുള്ള ഒരുക്കത്തിലാണ് സഹോദരന്‍ അയ്യപ്പന് ജന്മം നല്‍കിയ ചെറായിയില്‍ ഏതാനും ദളിത് യുവാക്കളുടെ കൂട്ടായ്മ. ഡോ: അംബേദ്കര്‍ സാംസ്കാരിക സമിതിയുടെ നേതൃത്വത്തിലാണ് ഈ സംരഭത്തിന് ചെറായി സൌത്ത് ബീച്ചില്‍ അരങ്ങൊരുക്കുന്നത്.

എന്നും ഞങ്ങളുടെ യജമാനന്മാരായിരിക്കുക എന്നത് നിങ്ങളുടെ താല്പര്യമായിരിക്കാം. എന്നാല്‍ എന്നും നിങ്ങളുടെ അടിമ ആയിരിക്കുക എന്നത് ഞങ്ങളുടെ താല്പര്യമാവുന്നതെങ്ങിനെ എന്ന ചോദ്യം ഉയര്‍ത്തികൊണ്ട് അധ:സ്ഥിത ജനവിഭാഗങ്ങളില്‍ അവകാശബോധമുളവാക്കി ഇവരെയും മനുഷ്യരാണെന്ന് അംഗീകരിക്കുന്നതിനുവേണ്ടി  അടരാടിയ  ബാബാസാഹേബ് ഡോ: ബി.ആര്‍. അംബേദ്കറുടെ പൂര്‍ണ്ണകായ പ്രതിമ സ്ഥാപിച്ചു കൊണ്ടാണ് അംബേദ്കര്‍ സാംസ്കാരിക സമിതി  തങ്ങളുടെ ആദ്യ ഉദ്യമത്തിന് നാന്ദി കുറിച്ചത്.

ശില്‍പകലാരംഗത്തെ ഏകലവ്യന്‍ എന്നു വിശേഷിപ്പിക്കാവുന്ന രാജു ഏഴിക്കരയാണ് ചെറായി ബീച്ചില്‍ സ്ഥാപിച്ച 10 അടി ഉയരമുള്ള ഡോ: അംബേദ്കറുടെ  പൂര്‍ണ്ണകായ പ്രതിമയുടെ ശില്‍പി. മഹാത്മ അയ്യങ്കാളിയുടെ 149-ാം ജന്മദിനത്തില്‍ ഈ പ്രതിമ അനാച്ഛാദനം ചെയ്യുകയുണ്ടായി. അന്നുമുതല്‍ ചെറായി സൌത്ത് ബീച്ച് ചെറായി അംബേദ്കര്‍ ബീച്ച് എന്ന പേരിലാണറിയപ്പെടുന്നത്.

സമത്വത്തിനും സ്വാതന്ത്യ്രത്തിനും വേണ്ടി സാഹസികമായി ജീവിക്കാന്‍ ഒരു സമൂഹത്തെ പഠിപ്പിച്ച അപൂര്‍വ്വം കേരളീയ സാമൂഹ്യനവോത്ഥാന നായകരില്‍ അഗ്രഗണ്യനാണ് മഹാത്മ അയ്യങ്കാളി. അസ്പൃശതയുടെ പേരില്‍ പൊതുനിരത്തിലൂടെ സഞ്ചാരം നിഷേധിക്കപ്പെട്ട അധ:കൃത സമൂഹത്തിന്റെ അടിത്തട്ടില്‍ നിന്നും സവര്‍ണ്ണ മേധാവിത്തത്തെ വെല്ലുവിളിച്ചുകൊണ്ട് അയ്യങ്കാളി നടത്തിയ പ്രഥമ സമരമായ സഞ്ചാര സ്വാതന്ത്യ്രത്തിനുവേണ്ടിയുള്ള (വില്ലുവണ്ടിയാത്രയുടെ) പ്രതിമാവിഷ്ക്കാരമാണ് ചെറായി അംബേദ്കര്‍ ബീച്ചില്‍ അടുത്തതായി അനാച്ഛാദനത്തിന് ഒരുക്കുന്നത്.

അയ്യങ്കാളിയുടെ 150-ാം ജന്മദിനമായ 2012 ആഗസ്റ് 30ന്  വില്ലുവണ്ടി യാത്രാപ്രതിമ സുപ്രസിദ്ധ സിനിമാതാരം കലാഭവന്‍മണിയും സുപ്രസിദ്ധ പിന്നണി ഗായകന്‍ പ്രദീപ് പള്ളുരുത്തിയും ചേര്‍ന്ന് അനാച്ഛാദനം ചെയ്യുന്നു.

ഏറെ സവിശേഷതകളുള്ളതാണ് 15 അടി ഉയരം വരുന്ന വില്ലുവണ്ടി യാത്രാപ്രതിമ. പ്രതിമാ നിര്‍മ്മാണ കമ്മിറ്റിയും ശില്‍പിയും ചേര്‍ന്ന് നടത്തിയ നിരവധി യാത്രകളുടെയും അന്വേഷണങ്ങളുടേയും പഠനങ്ങളുടേയും ആകെ തുകയാണ് സാങ്കേതിക മികവും തനിമയും ഒത്തുചേര്‍ന്ന വില്ലുവണ്ടിയാത്ര ശില്‍പം. വില്ലുവണ്ടി എന്നാല്‍ കാളവണ്ടിയാണെന്ന ധാരണയാണ് പരക്കെയുള്ളത്. അങ്ങിനെയാണെങ്കില്‍ കാളവണ്ടി എന്നു പറയാതെ വില്ലുവണ്ടി എന്നു പറയുന്നത് എന്താണ് എന്ന ചോദ്യമാണ് ആദ്യമേ

___________________________________________________________________

വില്ലുവണ്ടി കാളകള്‍ക്കും, കുതിരകള്‍ക്കും വലിക്കാം. രണ്ടാളെ വെയിലും മഴയും ഏല്‍പ്പിക്കാതെയിരുത്തി ഓടിക്കാവുന്ന വില്ലുവണ്ടിയുടെ ഒരു ഭാഗം എടുത്തു മാറ്റി ആ ഭാഗത്ത് അഭ്യാസിയായ അയ്യന്‍കാളി കയ്യില്‍ കഠാരയുമായി തലയില്‍ വട്ടക്കെട്ടു കെട്ടി അരക്കയ്യന്‍ മല്ലിന്റെ ജുബ്ബയുമിട്ട് താറുചുറ്റി അരക്കെട്ടും കെട്ടി കൊച്ചാപ്പിയോടിക്കുന്ന വില്ലുവണ്ടിയില്‍ നില്‍ക്കുന്നതായാണ് പ്രതിമയ്ക്ക് രൂപം നല്‍കിയിരിക്കുന്നത്

___________________________________________________________________

സംഘാടകര്‍ ശില്‍പിക്കു മുന്നില്‍ ഉയര്‍ത്തിയത്. തുടര്‍ന്ന നടത്തിയ അന്വേഷണങ്ങള്‍ക്കൊടുവില്‍ ശില്‍പിയും പ്രതിമാ നിര്‍മ്മാണ കമ്മിറ്റി ജനറല്‍ കണ്‍വീനറും എത്തി ചേര്‍ന്നത് തിരുവനന്തപുരം നെടുമങ്ങാടുള്ള കോയിക്കല്‍ കൊട്ടാരത്തിലാണ്. വില്ലുവണ്ടി പ്രദര്‍ശിപ്പിച്ചിട്ടുള്ള കേരളത്തിലെ ഏക മ്യൂസിയമാണ് കോയിക്കല്‍ കൊട്ടാരം, അവിടത്തെ ക്യൂറേറ്ററാണ് കാളവണ്ടിയും വില്ലുവണ്ടിയും തമ്മിലുള്ള വ്യത്യാസം ബോദ്ധ്യപ്പെടുത്തി തരുന്നത്. കാളവണ്ടി കാളയ്ക്ക് മാത്രമേ വലിക്കാനാവൂ. എന്നാല്‍ വില്ലുവണ്ടി കാളകള്‍ക്കും, കുതിരകള്‍ക്കും വലിക്കാം. രണ്ടാളെ വെയിലും മഴയും ഏല്‍പ്പിക്കാതെയിരുത്തി ഓടിക്കാവുന്ന വില്ലുവണ്ടിയുടെ ഒരു ഭാഗം എടുത്തു മാറ്റി ആ ഭാഗത്ത് അഭ്യാസിയായ അയ്യന്‍കാളി കയ്യില്‍ കഠാരയുമായി തലയില്‍ വട്ടക്കെട്ടു കെട്ടി അരക്കയ്യന്‍ മല്ലിന്റെ ജുബ്ബയുമിട്ട് താറുചുറ്റി അരക്കെട്ടും കെട്ടി കൊച്ചാപ്പിയോടിക്കുന്ന വില്ലുവണ്ടിയില്‍ നില്‍ക്കുന്നതായാണ് പ്രതിമയ്ക്ക് രൂപം നല്‍കിയിരിക്കുന്നത്. കാളകളെ പൂട്ടിയുള്ള വില്ലുവണ്ടിയോട്ടം ഇപ്പോഴും ഉണ്ടോ എന്ന അന്വേഷണം പ്രതിമാ നിര്‍മ്മാണ കമ്മറ്റിയെ കൊണ്ടു ചെന്നെത്തിച്ചത് തമിഴ്നാട്ടിലെ പൊള്ളാച്ചിയില്‍ നിന്നും ഇരുപത്തിയഞ്ച് കിലോമീറ്റര്‍ ഉള്ളിലേക്ക് കയറി മുഴുപ്പാടിഗേറ്റ് കുളത്തൂപാളയം എന്ന എന്ന സ്ഥലത്താണ്. 05.05.2012ന് അവിടെ വില്ലുവണ്ടിയോട്ടമത്സരമുണ്ടെന്നറിഞ്ഞ്  ശില്‍പിയുമൊത്ത് അവിടെയെത്തുകയും ഇരുനൂറിലേറെയുള്ള വില്ലുവണ്ടികളുടെ ഓട്ടം കാണുകയും അവയുടെ ഫോട്ടോകള്‍ എടുക്കുകയും ഓടുന്ന കാളകളുടെ മസില്‍സ് അടക്കമുള്ള പെര്‍ഫെക്ഷന്‍ ശില്‍പത്തില്‍ ആവിഷ്കരിക്കാന്‍ ഇതു സഹായമാകുകയുണ്ടായി.

പിന്നീടുണ്ടായ വെല്ലുവിളി ടണ്‍കണക്കിന് ഭാരം വരുന്ന ഈ പ്രതിമയുടെ നിര്‍മ്മാണമാണ്. വില്ലുവണ്ടിയാത്ര പ്രതിമയില്‍ ഓരോ കാളകളുടേയും ഓരോ വശത്തെ രണ്ട് കാലുകള്‍ മാത്രമാണ് നിലത്ത് മുട്ടുക. കൂടാതെ കാളവണ്ടിച്ചക്രത്തിന്റെ നിലത്തു മുട്ടുന്ന ഭാഗവും മാത്രം. കാളയുടെ കുളമ്പും വണ്ടിചക്രത്തിന്റെ നിലത്ത് മുട്ടുന്ന ഭാഗവും മാത്രമാണ് ഈ പ്രതിമയെ താങ്ങി നിര്‍ത്തുന്നത്. എങ്ങിനെ ഇത് സാധിതമാക്കാം എന്ന അന്വേഷണത്തിന് നിരവധി എന്‍ജിനീയര്‍മാരെ സമീപിച്ചെങ്കിലും മറുപടി ലഭിക്കുയുണ്ടായില്ല. എന്നാല്‍ അതിനും മാര്‍ഗ്ഗം സ്വയം കണ്ടെത്തി സ്ഥാപിച്ച ഈ ശില്‍പം ഇന്ത്യയിലെ മറ്റൊരു മഹാത്ഭുതമായി കണക്കാവുന്നതാണ്. അങ്ങിനെ ലോകത്തിലെ ആദ്യത്തെ അയ്യങ്കാളിയുടെ വില്ലുവണ്ടിയാത്രപ്രതിമ അനാച്ഛാദനം 2012 ആഗസ്റ് 30ന് ചെറായി അംബേദ്ക്കര്‍ ബീച്ചില്‍ നടക്കുകയാണ്.

ചരിത്രമുഹൂര്‍ത്തം ശിലയില്‍ പകര്‍ത്തുന്ന തിരക്കില്‍ ശില്‍പി രാജു

ശില്പി രാജു ഏഴിക്കര

ചരിത്രമുഹൂര്‍ത്തം ശില്പകലയില്‍ ആവാഹിക്കുന്നതിന്റെ കഠിന ശ്രമത്തിലാണ് ശില്പി രാജു ഏഴിക്കര. താഴ്ന്ന ജാതിക്കാരുടെ സഞ്ചാരസ്വാതന്ത്യ്രത്തിനും വസ്ത്രം ധരിക്കാനുള്ള സ്വാതന്ത്യ്രത്തിനും വേണ്ടി പടനയിച്ച അയ്യങ്കാളി നടത്തിയ വില്ലുവണ്ടിയാത്ര ശില്പമാക്കി മാറ്റാനാണ് രാജുവിന്റെ ശ്രമം. ചെറായി  അംബേദ്കര്‍ ബീച്ചിലാണ് ഇതിന്റെ നിര്‍മ്മാണ പ്രവര്‍ത്തനങ്ങള്‍ നടന്നു വരുന്നത്. വില്ലുവണ്ടിയാത്രയുടെ ഒരു ഫോട്ടോയോ മാതൃകയോ ലൈബ്രറികളുടെ ശേഖരണത്തില്‍ ഇല്ലാത്തതാണ് രാജുവിന്റെ മുന്നിലെ വെല്ലുവിളി. പഴയകാലഘട്ടത്തിന്റെ പുനരാവിഷ്ക്കരണം  നടത്തുമ്പോള്‍ അതിന്റെ തനിമ ഒട്ടും ചോര്‍ന്നു പോകാതെ  ചിത്രീകരിക്കണമെന്ന് രാജുവിന് നിര്‍ബന്ധമുണ്ട്. അതുകൊണ്ട് തന്നെ വില്ലുവണ്ടിയും തെളിച്ചു കൊണ്ടുപോകുന്ന അയ്യങ്കാളിയുടെ പ്രതിമാ നിര്‍മ്മാണം അതിസൂക്ഷ്മമായാണ് നടത്തുന്നത്. ഇതിനായി കാളവണ്ടിയോട്ടം കാണാന്‍ രാജു തമിഴ്നാട്ടിലെ മേട്ടുപ്പാളയത്ത് പോയിരുന്നു. ചരിത്രകാരനായ ചെറായി രാംദാസിനെപ്പോലെയുള്ളവരെ നേരില്‍ കണ്ട് വിവരങ്ങള്‍ ശേഖരിച്ചു. അയ്യങ്കാളിയുടെ വസ്ത്രധാരണത്തിന്റെ പ്രത്യേകതകള്‍ നോക്കാന്‍ ഫോട്ടോകളെ മാത്രമല്ല ആശ്രയിച്ചിട്ടുള്ളത്. അയ്യങ്കാളിയുടെ ബന്ധുക്കളെ നേരില്‍ കാണുകയുണ്ടായി.

നേരത്തെ ഭരണഘടനാശില്പി ഡോ: ബി.ആര്‍.അംബേദ്ക്കറുടെ പൂര്‍ണ്ണകായ പ്രതിമ ചെറായി അംബേദ്ക്കര്‍ ബീച്ചില്‍ രാജു നിര്‍മ്മിച്ചത് ഏറെ പ്രശംസ പിടിച്ചു പറ്റിയിരുന്നു. ഇതോടെ ചരിത്രത്തിലെ മഹാരഥന്മാരുടെ പ്രതിമകളുടെ ഒരു സമുച്ചയം തന്നെ നിര്‍മ്മിക്കാനുള്ള ഉത്തരവാദിത്തം അംബേദ്കര്‍ സാംസ്കാരിക സമിതി രാജുവിനെ ഏല്‍പ്പിച്ചിരിക്കുകയാണ്.

അയ്യമ്പിള്ളി ഇ.സി.നാരായണനില്‍ നിന്നാണ് ശില്‍പകലയുടെ ആദ്യപാഠങ്ങള്‍ രാജു ഹൃദിസ്ഥമാക്കിയത്. ഫെറോ സിമന്റ് രീതിയിലാണ് ശില്‍പനിര്‍മ്മാണരീതി. 47കാരനായ രാജു ഇതിനകം ഒട്ടേറെ ശില്‍പങ്ങള്‍ നിര്‍മ്മിച്ചിട്ടുണ്ട്. ആഗസ്റ് 30ന് പുതുവൈപ്പ് ഷണ്മുഖ  ശാസ്ത പുലയസമാജത്തില്‍ സ്ഥാപിക്കാനുള്ള അയ്യങ്കാളിയുടെ പ്രതിമ, എസ്.എന്‍.ഡി.പി.യോഗത്തിനായുള്ള ഗുരുവിന്റെ പ്രതിമയും തിരക്കിട്ട് നിര്‍മ്മാണം പൂര്‍ത്തീകരിച്ചു കൊണ്ടിരിക്കുകയാണിപ്പോള്‍.

ബാബു അയ്യമ്പിള്ളി, സജീവ് ഏഴിക്കര, ജീവന്‍ ഏഴിക്കര എന്നിവരാണ് ശില്‍പ നിര്‍മ്മാണത്തില്‍ രാജുവിനെ സഹായിക്കുന്നത്. ഏഴിക്കരയില്‍ പടിഞ്ഞാറെകൂറ്റ് തങ്കപ്പന്റെയും കാര്‍ത്ത്യായിനിയുടെയും മൂത്തമകനാണ് രാജു. ബിന്ദുവാണ് ഭാര്യ. ജീവന്‍ ടിവിയിലെ ആര്‍ട്ട് ഡയറക്ടറായും രാജു സേവനം അനുഷ്ഠിച്ചിട്ടുണ്ട്.