എ എസ് അജിത്ത് കുമാര്‍
__________________________________________
പുതിയ മാവോയിസ്റ്റ്  വേട്ട അങ്ങനെ പഴയ നക്സലൈറ്റ്  വേട്ടയുടെ റീ-ടെലികാസ്റ്റ് ആകുന്നു. നക്സലൈറ്റ്  ബിംബങ്ങള്‍ തന്നെ പുന:സൃഷ്ടിച്ചിട്ടുണ്ട്. പോസ്റ്റര്‍ ഒട്ടിക്കല്‍, ലഘുലേഖ വിതരണം, തോക്കുമായി ഒളിച്ചു സഞ്ചരിക്കല്‍, ആദിവാസി ഊരുകളില്‍ ചോറ് ചോദിച്ചു ചെല്ലുക, പോലീസ് സ്റ്റേഷന്‍ ആക്രമിക്കുക  തുടങ്ങി ഒട്ടേറെ പഴയ നക്സലൈറ്റ്  ബിംബങ്ങള്‍ പുന:സൃഷ്ടിക്കപ്പെട്ടിട്ടുണ്ട്. ഈ പഴയ കഥകളിലൂടെ ഭരണകൂടം  എണ്‍പതുകള്‍ക്ക് ശേഷം  ശക്തി പ്രാപിച്ച ദലിത്/ആദിവാസി പ്രസ്ഥാനങ്ങള്‍, ബാബറി-മണ്ഡല്‍ കാലഘട്ടത്തിനു ശേഷമുള്ള രാഷ്ട്രീയ മാറ്റങ്ങള്‍, ഈ കാലഘട്ടത്തില്‍ വികസിച്ചുവന്ന മുസ്ലീം  അവകാശ പ്രസ്ഥാനങ്ങള്‍   എന്നിവയുടെ പുതിയ മുന്നേറ്റങ്ങളെ അദൃശ്യമാക്കാന്‍  ശ്രമിക്കുന്നു.
___________________________________________

‘മാവോയിസ്റ്റ്  ഭീതി’ ഒരു തരത്തില്‍  പ്രവര്‍ത്തിക്കുന്നത് ‘ശത്രു രാജ്യ’ത്തിന്റെ ഭീഷണിയുടെ അതെ രീതിയിലാണ്. ഈ ഭീഷണി ഒരു നിര്‍മ്മിതിയാണ്. “ശത്രു രാജ്യത്തിന്റെ” ഭീഷണി എന്നത് നിര്‍മ്മിച്ച് കൊണ്ടാണ് ഒരു രാജ്യം അതിന്റെ അസ്തിത്വത്തെ സാധൂകരിക്കുന്നത്. ഈ ഭീഷണി നിര്‍ണ്ണായകമായ ഒരു ദ്വന്തത്തെ സൃഷ്ടിക്കുന്നു ‘നമ്മുടെ’ രാജ്യം/’ശത്രു’രാജ്യം. നമ്മുടെ രാജ്യം എന്നത് ഭരണകൂടം അല്ലെങ്കില്‍ ദേശരാഷ്ട്രം ആകുന്നു. ഭരണ കൂടത്തിനെതിരെ/രാഷ്ട്രീയ വ്യവസ്ഥക്കെതിരെ നടക്കുന്ന സമരങ്ങള്‍ രാഷ്ട്രത്തിനെതിരെയുള്ള യുദ്ധമായി കണക്കാക്കപ്പെടുകയും അങ്ങനെ രാജ്യത്തെ ജനങ്ങള്‍ക്കെതിരായ യുദ്ധമായി വ്യാഖ്യാനിക്കപ്പെടുകയും ‘രാഷ്ട്രത്തിനെതിരെ’ സമരം ചെയ്യുന്നവര്‍ ദേശദ്രോഹികളായി  മനസിലാക്കപ്പെടുകയും ചെയ്യുന്നു.
ആദ്യത്തെ വരിയിലേക്ക് തിരിച്ചു വരാം.  ‘മാവോയിസ്റ്റ്  ഭീഷണി’ ശത്രുരാജ്യ ഭീഷണി പോലെ ആകുന്നതെങ്ങനെ എന്ന് ആലോചിക്കാം. ‘ശത്രു രാജ്യം’ എന്ന സങ്കല്‍പ്പം  ഒരു രാജ്യത്തിന്റെ നിലനില്‍പ്പിനു അത്യന്താപേക്ഷിതമാണ്. അതെ പോലെ മാവോയിസ്റ്റ് ഭീഷണി എന്നതും ഭരണകൂടത്തിനു ആവശ്യമാണ്. അഭ്യന്തരമായ ഭീഷണിയെ ‘മാവോയിസ്റ്റ്’ രാഷ്ട്രീയവും അല്ലെങ്കില്‍ ശത്രുരാജ്യത്തിന്റെ നിയന്ത്രണത്തിലുള്ള ‘തീവ്രവാദ’ ഭീഷണിയായും ചുരുക്കുകയാണ് ഭരണകൂടം ചെയ്യുക. ഇന്ത്യയില്‍ ഇന്ന് പ്രധാന ഭീഷണിയായി ഭരണകൂടം സൃഷ്ടിച്ചിരിക്കുന്നത്  ‘ഇസ്ലാമിക’  തീവ്രവാദവും (തീവ്രവാദമെന്നു മാത്രം സൂചിപിക്കുമ്പോള്‍ ‘ഇസ്ലാമികം ” അല്ലെങ്കില്‍  ‘മുസ്ലിം’ എന്നത് അന്തര്‍ലീനമാണെന്നാണ്  ‘തീവ്രവാദത്തെ’ കുറിച്ചുള്ള സാമാന്യ ബോധം).  ബോംബു സ്ഫോടനങ്ങള്‍ ഭരണകൂട ഏജന്‍സികള്‍ തന്നെ ആസൂത്രണം  ചെയ്യാറുള്ളതും വ്യാജ ഏറ്റുമുട്ടല്‍ കൊലപാതകങ്ങള്‍ സംഘടിപ്പിക്കുന്നതും ഈ ‘ഭീഷണി’യെ സജീവമായി നിലനിര്‍ത്താന്‍ കൂടിയാണ്. അപ്പോള്‍ ഭരണകൂടത്തിനു മാവോയിസ്റ്റുകളെ ആവശ്യമുണ്ട്. മാവോയിസ്റ്റുകളും പ്രവര്‍ത്തിക്കുന്നത് ഭരണകൂടം തന്നെ അവരെക്കുറിച്ച് സൃഷ്ടിച്ച വാര്‍പ്പുമാതൃകകളിലാണ് താനും. മാവോയിസ്റ്റ് ഭീഷണിയെന്നത് ഭരണകൂടത്തിനും മാവോയിസ്റ്റുകള്‍ക്കും ഉപകാരപ്രദമാകുന്നുണ്ട്. കാരണം ഈ ഭീഷണി തന്നെയാണ് മാവോയിസ്റ്റ് രാഷ്ട്രീയത്തെയും സാധൂകരിക്കുന്നത്.( ഇതാണ് ബണ്ടി ചോറിന്റെയും യുക്തി. ‘അതിബുദ്ധിമാനായ കള്ളന്’ എന്ന പൊതുബോധത്തിനകത്താണ് ബണ്ടി ചോര്‍ തന്നെത്തന്നെ നിര്‍വചിക്കുന്നത്. രഹസ്യ ക്യാമറയുള്ളപ്പൊഴും മോഷണം നടത്താനുള്ള ത്രില്‍ അങ്ങനെയാണ്  വരുന്നത് ).

____________________________________
ബോംബു സ്ഫോടനങ്ങള്‍ ഭരണകൂട ഏജന്‍സികള്‍ തന്നെ ആസൂത്രണം  ചെയ്യാറുള്ളതും വ്യാജ ഏറ്റുമുട്ടല്‍ കൊലപാതകങ്ങള്‍ സംഘടിപ്പിക്കുന്നതും ഈ ‘ഭീഷണി’യെ സജീവമായി നിലനിര്‍ത്താന്‍ കൂടിയാണ്. അപ്പോള്‍ ഭരണകൂടത്തിനു മാവോയിസ്റ്റുകളെ ആവശ്യമുണ്ട്. മാവോയിസ്റ്റുകളും പ്രവര്‍ത്തിക്കുന്നത് ഭരണകൂടം തന്നെ അവരെക്കുറിച്ച് സൃഷ്ടിച്ച വാര്‍പ്പുമാതൃകകളിലാണ് താനും. മാവോയിസ്റ്റ് ഭീഷണിയെന്നത് ഭരണകൂടത്തിനും മാവോയിസ്റ്റുകള്‍ക്കും ഉപകാരപ്രദമാകുന്നുണ്ട്. കാരണം ഈ ഭീഷണി തന്നെയാണ് മാവോയിസ്റ്റ് രാഷ്ട്രീയത്തെയും സാധൂകരിക്കുന്നത്.( ഇതാണ് ബണ്ടി ചോറിന്റെയും യുക്തി. ‘അതിബുദ്ധിമാനായ കള്ളന്’ എന്ന പൊതുബോധത്തിനകത്താണ് ബണ്ടി ചോര്‍ തന്നെത്തന്നെ നിര്‍വചിക്കുന്നത്. രഹസ്യ ക്യാമറയുള്ളപ്പൊഴും മോഷണം നടത്താനുള്ള ത്രില്‍ അങ്ങനെയാണ്  വരുന്നത് ).
____________________________________

ഇനി ഈ ഭീഷണിയെ ഭരണകൂടം എങ്ങനെ  ഉപയോഗിക്കുന്നു എന്ന്  ആലോചിച്ചു നോക്കാം.രണ്ട്  ഉപയോഗങ്ങളാണ് പ്രധാനം എന്ന് തോന്നുന്നു. ഒന്ന് ആദ്യം സൂചിപ്പിച്ച പോലെ ഭരണകൂടം അപകടത്തിലാണെന്നും ഞങ്ങള്‍ ഭരണകൂടത്തോടൊപ്പം നില്‍ക്കണമെന്ന തോന്നല്‍ ഉണ്ടാക്കുകയെന്നത്.  രണ്ടാമത് ,മറ്റു  രാഷ്ട്രീയ മുന്നേറ്റങ്ങളെ   അദൃശ്യമാക്കുകയെന്നത്. ആദ്യത്തെത്  നമ്മള്‍  ഒരു പാട്  ചര്‍ച്ച ചെയ്തിട്ടുണ്ട് .
രണ്ടാമത്തെ വിഷയത്തിലേക്ക് കടക്കുമ്പോള്‍  കേരളത്തിലെ പുതിയ ‘മാവോയിസ്റ്റ് വേട്ട’യുടെ വ്യവഹാരങ്ങള്‍ ശ്രദ്ധിക്കേണ്ടതാണ്. മുന്ന് ദശകങ്ങളുടെ  രാഷ്ട്രീയമായ പരിണാമങ്ങളെ മുഴുവന്‍ സ്കിപ് ചെയ്തിട്ട് പഴയ നക്സലൈറ്റ്  കഥകള്‍ തന്നെ പുന:സൃഷ്ടിക്കുകയാണ് ഇപ്പോള്‍  സര്‍ക്കാര്‍  ചെയ്യുന്നത്. പുതിയ മാവോയിസ്റ്റ്  വേട്ട അങ്ങനെ പഴയ നക്സലൈറ്റ്  വേട്ടയുടെ റീ-ടെലികാസ്റ്റ് ആകുന്നു. നക്സലൈറ്റ്  ബിംബങ്ങള്‍ തന്നെ പുന:സൃഷ്ടിച്ചിട്ടുണ്ട്. പോസ്റ്റര്‍ ഒട്ടിക്കല്‍, ലഘുലേഖ വിതരണം, തോക്കുമായി ഒളിച്ചു സഞ്ചരിക്കല്‍, ആദിവാസി ഊരുകളില്‍ ചോറ് ചോദിച്ചു ചെല്ലുക, പോലീസ് സ്റ്റേഷന്‍ ആക്രമിക്കുക  തുടങ്ങി ഒട്ടേറെ പഴയ നക്സലൈറ്റ്  ബിംബങ്ങള്‍ പുന:സൃഷ്ടിക്കപ്പെട്ടിട്ടുണ്ട്. ഈ പഴയ കഥകളിലൂടെ ഭരണകൂടം  എണ്‍പതുകള്‍ക്ക് ശേഷം  ശക്തി പ്രാപിച്ച ദലിത്/ആദിവാസി പ്രസ്ഥാനങ്ങള്‍, ബാബറി-മണ്ഡല്‍ കാലഘട്ടത്തിനു ശേഷമുള്ള രാഷ്ട്രീയ മാറ്റങ്ങള്‍, ഈ കാലഘട്ടത്തില്‍ വികസിച്ചുവന്ന മുസ്ലീം  അവകാശ പ്രസ്ഥാനങ്ങള്‍   എന്നിവയുടെ പുതിയ മുന്നേറ്റങ്ങളെ അദൃശ്യമാക്കാന്‍  ശ്രമിക്കുന്നു. നക്സല്‍ പ്രസ്ഥാനത്തിന്റെ തകര്‍ച്ചക്ക് ശേഷവും എണ്‍പതുകളുടെ അവസാനമുണ്ടായ നക്സല്‍ രാഷ്ട്രീയത്തിന്റെ ചില പുതു ശ്രമങ്ങള്‍ക്കിടയിലും വളരെ സജീവമായി ശക്തിയാര്‍ജിച്ചു കൊണ്ടിരിക്കുകയായിരുന്നു ദലിത്/ആദിവാസി പ്രസ്ഥാനങ്ങളും വ്യവഹാരങ്ങളും. ഈ രാഷ്ട്രീയ മുന്നേറ്റത്തിന്  ഏറെ പ്രത്യേകതകള്‍ ഉണ്ടായിരുന്നു. ഒന്നാമതായി  കേരളത്തിലെ ഇടതു/വലതു  വിഭജനങ്ങള്‍ക്കകത്ത്   ഒതുങ്ങുന്നതായിരുന്നില്ല ഇവ. എന്നാല്‍ എക്കാലത്തും ഈ രാഷ്ട്രീയത്തെ തിരിച്ച്  ഈ വിഭജനത്തിന്റെ വ്യവഹാരങ്ങളിലേക്ക് കൊണ്ടുപോകാന്‍ ശ്രമം നടന്നു. അതെ പോലെ തന്നെ പുതിയ  ദലിത്/ആദിവാസി രാഷ്ട്രീയം തിരഞ്ഞെടുപ്പ്  കക്ഷികളുടെ അധികാര രാഷ്ട്രീയത്തിലും ഒതുങ്ങിയില്ല. കേരളത്തിലെ ഓരോ മുന്നണിയും അധികാരത്തില്‍  വരുമ്പോള്‍ ദലിത് ആദിവാസി സമരങ്ങള്‍  ഉയര്‍ന്നു വരുമ്പോള്‍ ഒരു ചോദ്യം ഉയരാറുണ്ട് “ഞങ്ങള്‍ ഭരിക്കുമ്പോള്‍  മാത്രമേ നിങ്ങള്‍ സമരം ചെയ്യുകയുള്ളോ?” ദലിത് ആദിവാസി സമരങ്ങളെ ഈ ഇടതു/വലതു തിരഞ്ഞെടുപ്പ് വ്യവഹാരത്തിലേക്ക് വലിച്ചിഴക്കാന്‍ ഇങ്ങനെ ശ്രമിക്കാറുണ്ട്.
ദലിത് / ആദിവാസി പ്രസ്ഥാനങ്ങള്‍ പൂര്‍ണമായും ഇതിനു പുറത്തു വികസിച്ചുവെന്നോ അല്ലെങ്കില്‍  പൂര്‍ണ്ണമായ വിഛെദനം   സാധിച്ചുവെന്നോ ആല്ല അര്‍ത്ഥമാക്കുന്നത്. എന്നാല്‍ ഇടതു/വലുത് അതിരുകളില്‍ അതിനെ ഒതുക്കാന്‍ കഴിയില്ലായിരുന്നു. ഈ പ്രസ്ഥാനങ്ങളുടെ പ്രധാന മുന്നേറ്റം രക്ഷകര്‍തൃ മനോഭാവത്തോടെയുള്ള  രാഷ്ട്രീയ  പദ്ധതികളെ ചോദ്യം ചെയ്യുന്നതിലും സ്വന്തമായ രാഷ്ട്രീയ പദ്ധതികള്‍ വികസിപ്പിക്കുന്നതിലുമായിരുന്നു.
ദലിത് /ആദിവാസി മുന്നേറ്റം എന്നത്  രാഷ്ട്രീയ മണ്ഡലത്തില്‍ മാത്രം ഒതുങ്ങിനിന്നില്ല. മറിച്ച് സാംസ്കാരിക മേഖലകളിലൊക്കെ തന്നെ ഇടതു /വലത്  ചിന്താ പദ്ധതികള്‍ക്ക് അപ്പുറം പോകാനുള്ള സാധ്യതകള്‍ തുറന്നിട്ടു. ഇത്രയും എളുപ്പം വരച്ചുകാട്ടാവുന്നതല്ല  ഈ മൂന്ന് ദശകകാലത്തെ കേരളം എന്ന് അടയാളപ്പെടുത്തപ്പെട്ട സ്ഥലത്തെ  മാറ്റങ്ങളെന്നു അറിയാം. ചുരുക്കത്തില്‍ ആലോചിക്കാന്‍ ശ്രമിച്ചതാണ്. ഈ പുതിയ വികാസങ്ങള്‍  ഉണ്ടാക്കിയ ആശങ്കകള്‍ പല രീതിയില്‍ പ്രകടിപ്പിക്കപെട്ടു, പ്രകടിപ്പിക്കപ്പെടുന്നു . ദലിത് വിഷയങ്ങളില്‍ സഹതാപത്തോടെ ഇടപെട്ടിരുന്ന രക്ഷകര്‍ത്താക്കള്‍ക്ക് പെട്ടന്ന് തന്നെ ഈ പോക്കിന്റെ ‘അപകടം’ ബോധ്യപെട്ടു എന്ന് തോന്നുന്നു. മാനവിക വാദത്തിന്റെ ഇട്ടാവട്ടങ്ങള്‍ക്കകത്തു കുടുങ്ങിയിരുന്ന രാഷ്ട്രീയ മണ്ഡലത്തെ ദലിത്/ആദിവാസി /മുസ്ലീം പ്രസ്ഥാനങ്ങള്‍ കൂടുതല്‍ പ്രതിസന്ധിയിലാക്കിയെന്നു തോന്നുന്നു. പിന്നെ ‘സ്വത്വ  വാദ’ത്തിനെതിരെയുള്ള  പടയൊരുക്കമാണ് കണ്ടതും ഇപ്പോള്‍ കൂടുതല്‍ കാണുന്നതും.

_______________________________________
ദലിത് വിഷയങ്ങളില്‍ സഹതാപത്തോടെ ഇടപെട്ടിരുന്ന രക്ഷകര്‍ത്താക്കള്‍ക്ക് പെട്ടന്ന് തന്നെ ഈ പോക്കിന്റെ ‘അപകടം’ ബോധ്യപെട്ടു എന്ന് തോന്നുന്നു. മാനവിക വാദത്തിന്റെ ഇട്ടാവട്ടങ്ങള്‍ക്കകത്തു കുടുങ്ങിയിരുന്ന രാഷ്ട്രീയ മണ്ഡലത്തെ ദലിത്/ആദിവാസി /മുസ്ലീം പ്രസ്ഥാനങ്ങള്‍ കൂടുതല്‍ പ്രതിസന്ധിയിലാക്കിയെന്നു തോന്നുന്നു. പിന്നെ ‘സ്വത്വ  വാദ’ത്തിനെതിരെയുള്ള  പടയൊരുക്കമാണ് കണ്ടതും ഇപ്പോള്‍ കൂടുതല്‍ കാണുന്നതും
_______________________________________

‘സ്വത്വവാദ’ വിരുദ്ധര്‍ക്ക്  കമ്യൂണിസ്റ്റെന്നോ  മുഖ്യധാരാ  കമ്യൂണിസ്റ്റെന്നോ ‘തീവ്ര ഇടതുപക്ഷ’മെന്നോ ഒന്നും വ്യത്യാസമില്ല . ദലിത് പ്രസ്ഥാനങ്ങളോട് ഇവര്‍ക്കെല്ലാം ഏതാണ്ട് ഒരേ സമീപനമാണ്. ദലിത് പ്രശ്നങ്ങളോട് ‘അനുഭാവമുണ്ട്’ എന്നാല്‍  ദലിത് പ്രസ്ഥാനങ്ങള്‍  അപകടകരമായ രീതിയില്‍  ‘സ്വത്വവാദം’ പറയുന്നു എന്നതാണ് ഇവര്‍ ഉന്നയിക്കുന്ന പരാതി. ഇതിവിടെ പറയാന്‍ കാരണം  ‘മാവോയിസ്റ്റു’കളും നക്സലൈറ്റുകളും കേരളത്തിലെങ്കിലും  മുഖ്യധാര തന്നെയാണ് എന്ന് ചൂണ്ടിക്കാട്ടാനാണ് . രാഷ്ട്രീയ മണ്ഡലത്തിന്റെ ഒത്ത നടുക്ക് നിന്നുകൊണ്ട് ദലിത് /ആദിവാസി രാഷ്ട്രീയം അപകടകരമായ സ്വത്വവാദമാണെന്ന് പറഞ്ഞ്‌  ആദിവാസികളെയും ദളിതരെയും പാര്‍ശ്വങ്ങളിലേക്ക് തള്ളുന്നവര്‍  മുഖ്യധാരയല്ലേ? ആഗോളവത്കരണത്തിനും സാമ്രാജ്യത്വത്തിനും എതിരെ ‘തീവ്ര’ ഇടതുപക്ഷമെന്നു പറയപ്പെടുന്നവര്‍ പറയുന്നതും ‘മുഖ്യധാര’ എന്ന് അവര്‍ ആരോപിക്കുന്നവര്‍ പറയുന്നതും തമ്മില്‍ എന്തെങ്കിലും വ്യത്യാസമുണ്ടോ എന്ന് സംശയമാണ്.
ഇടതു ‘മുഖ്യധാര’യും ‘തീവ്ര’വും വലതു പാര്‍ട്ടികളും ദലിത്/ആദിവാസി രാഷ്ട്രീയത്തെ അരികുകളിലേക്ക്   തള്ളാന്‍ ശ്രമിക്കുമ്പോള്‍  സര്‍ക്കാരും അടിച്ചമര്‍ത്തലിലൂടെയും നുണ പ്രചാരണങ്ങളിലൂടെയും ” ദലിത് പ്രസ്ഥാനങ്ങളെ അസാധുവാക്കാനാണ്  നോക്കുന്നത്.
റെഡ് കോറിഡോര്‍  എന്ന് പറയപ്പെടുന്ന സ്ഥലങ്ങളിലെ ആദിവാസി ആഖ്യാനങ്ങള്‍  ശ്രദ്ധി ച്ചാല്‍ മനസിലാക്കാന്‍ കഴിയുന്നത് അവിടെ ആദിവാസികള്‍ നേരിടുന്ന ഒരു പ്രശ്നം അവര്‍ രണ്ടു തരം അധികാരങ്ങള്‍ക്കും ആക്രമണങ്ങള്‍ക്കും നടുവിലാണെന്നാണ്. ഭരണകൂടം ഒരു ഭാഗത്ത് നിന്നും മാവോയിസ്റ്റുകള്‍ മറുഭാഗത്ത് നിന്നും ആക്രമിക്കുന്നു എന്നാണ് പല ആഖ്യാനങ്ങളും വെളിവാക്കുന്നത്. സോണി സോറിയുടെ കഥ ഇത് കൂടുതല്‍ വെളിവാക്കി. ഭരണകൂടം /മാവോയിസ്റ്റുകള്‍ എന്ന ഒരു ദ്വന്തത്തിന്റെ നിര്‍മിതി ദോഷകരമായിരിക്കുന്നത് ഇതിനിടയില്‍ പെട്ടുപോകുന്നവര്‍ക്കാണ്. കേരളത്തില്‍ ഇത്തരത്തില്‍ ഒരു ശക്തമായ അധികാര രൂപമല്ല മാവോയിസ്റ്റുകളോ  നക്സലൈറ്റുകളോ. അഖിലേന്ത്യാ  തലത്തിലുള്ള  മാവോയിസ്റ്റ് ഭീഷണിയുടെ ബ്രഹദാഖ്യാനത്തിലൂടെ’യാണ്  മാവോയിസ്റ്റ്  ഭീതി ഇവിടെ സൃഷ്ടിച്ചിരിക്കുന്നത്. കര്‍ണ്ണാടക ,കേരള സംസ്ഥാനങ്ങളുടെ അതിര്‍ത്തി ഈ കഥകള്‍ മെനയാന്‍ തിരഞ്ഞെടുത്തിരിക്കുന്നതും മാവൊയിസ്റ്റുകള്‍ കേരളത്തിലേക്ക് കടക്കും എന്ന ഭീതിയും ഉണ്ടാക്കുന്നത് ഒരു അഖിലേന്ത്യാ പ്രതിഭാസമായി നിര്‍മിച്ചെടുക്കാനാണ്.
ഈ അഖിലേന്ത്യാ പ്രതിഭാസത്തെ ‘പ്രാദേശിക’മായി നടക്കുന്ന മുന്നേറ്റങ്ങളെ  അല്ലെങ്കില്‍ കീഴാള സമുദായങ്ങളുടെ മുന്നേറ്റങ്ങളെ അസാധുവാക്കാന്‍ ഉപയോഗിക്കുന്നു. ദളിത് ആദിവാസി സമരങ്ങളിലെ ‘മാവോയിസ്റ്റ്’ സാന്നിധ്യം ‘കണ്ടെത്തുക’യെന്നത്  ഒരു ഭരണകൂട തന്ത്രമാണല്ലോ. മുത്തങ്ങ സമരത്തെ മാവോയിസവുമായി ബന്ധപ്പെടുത്താന്‍  ഭരണകൂടം കിണഞ്ഞു പരിശ്രമിച്ചു.  എം ഗീതാനന്ദന്‍  മാതൃഭൂമിയിലെ തന്റെ ലേഖനത്തില്‍ ഇത് വിശദമായി വിവരിച്ചിട്ടുണ്ട്. ഇതിലൂടെ ഭരണകൂടത്തിനു രണ്ടു നേട്ടങ്ങളാനുള്ളത്. ഒന്നാമത്തേത് ദളിത്/ആദിവാസി വിഭാഗങ്ങളെ ആക്രമിക്കുന്നത് സമുദായങ്ങള്‍ക്കെതിരായ ആക്രമണമല്ല എന്ന് വരുത്തിത്തീര്‍ക്കാന്‍ പറ്റും. രണ്ടാമത്  മാവോയിസ്റ്റുകള്‍ക്കെതിരെ എന്ന പേരില്‍ ആദിവാസി മുന്നേറ്റത്തെ അടിച്ചമര്‍ത്താന്‍ പറ്റും. ഇതിന്റെ ഒരു extended  version   ആണിപ്പോള്‍  കാണുന്നത്.
ഇനി ഈ “വേട്ടയുടെ”കഥകള്‍ മാവോയിസ്റ്റുകള്‍ക്ക്  എങ്ങനെ ഗുണകരമാവുന്നു എന്ന് നോക്കാം. മാവോയിസ്റ്റ് സാനിദ്ധ്യത്തെ കുറിച്ചുള്ള ഈ പെരുപ്പിച്ചെടുക്കപ്പെട്ട കഥകളിലൂടെ മാവോയിസ്റ്റുകള്‍ക്ക് ഒരു ശക്തമായ പ്രസ്ഥാനമായി വിശ്വസിപ്പിച്ചെടുക്കാന്‍  കഴിയും. നേരത്തെ പറഞ്ഞത് പോലെ ഭരണകൂടം/മാവോയിസ്റ്റുകള്‍ എന്ന ദ്വന്തത്തിനകത്തു മാത്രമാണ് അവര്‍ക്ക് അസ്തിത്വം  നിര്‍ണ്ണയിക്കാന്‍ കഴിയുന്നത്.

______________________________________
ഈ “വേട്ടയുടെ”കഥകള്‍ മാവോയിസ്റ്റുകള്‍ക്ക്  എങ്ങനെ ഗുണകരമാവുന്നു എന്ന് നോക്കാം. മാവോയിസ്റ്റ് സാനിദ്ധ്യത്തെ കുറിച്ചുള്ള ഈ പെരുപ്പിച്ചെടുക്കപ്പെട്ട കഥകളിലൂടെ മാവോയിസ്റ്റുകള്‍ക്ക് ഒരു ശക്തമായ പ്രസ്ഥാനമായി വിശ്വസിപ്പിച്ചെടുക്കാന്‍  കഴിയും. നേരത്തെ പറഞ്ഞത് പോലെ ഭരണകൂടം/മാവോയിസ്റ്റുകള്‍ എന്ന ദ്വന്തത്തിനകത്തു മാത്രമാണ് അവര്‍ക്ക് അസ്തിത്വം  നിര്‍ണ്ണയിക്കാന്‍ കഴിയുന്നത്.”സ്വത്വ  രാഷ്ട്രീയ”ത്തെ ഈ പെരുപ്പിച്ചെടുത്ത സാന്നിധ്യം കൊണ്ട് മറക്കാന്‍ ശ്രമിക്കാം.ഭരണകൂടത്തിന്റെയും മാവോയിസ്റ്റുകളുടെയും ഈ താല്പര്യങ്ങള്‍ കേരളത്തിലെ നക്സലൈറ്റ്  ഭാഷയില്‍ ‘മുഖ്യ വൈരുധ്യം’ ഇവര്‍ തമ്മിലാണെന്നു വരുത്തിത്തീര്‍ക്കാന്‍ കഴിയുന്നു. ആദിവാസി, ദലിത് ഭൂമി പ്രശ്നം ഒക്കെ തന്നെ മുഖ്യധാര ചര്‍ച്ചകളില്‍  നിന്ന് ഓരത്തെക്ക്  തള്ളപ്പെട്ടിട്ടുണ്ട് എന്ന് കാണുമ്പോള്‍ ഈ കഥകളുടെ ഭീകരത മനസിലാക്കാം.
______________________________________

“സ്വത്വ  രാഷ്ട്രീയ”ത്തെ ഈ പെരുപ്പിച്ചെടുത്ത സാന്നിധ്യം കൊണ്ട് മറക്കാന്‍ ശ്രമിക്കാം.ഭരണകൂടത്തിന്റെയും മാവോയിസ്റ്റുകളുടെയും ഈ താല്പര്യങ്ങള്‍ കേരളത്തിലെ നക്സലൈറ്റ്  ഭാഷയില്‍ ‘മുഖ്യ വൈരുധ്യം’ ഇവര്‍ തമ്മിലാണെന്നു വരുത്തിത്തീര്‍ക്കാന്‍ കഴിയുന്നു. ആദിവാസി, ദലിത് ഭൂമി പ്രശ്നം ഒക്കെ തന്നെ മുഖ്യധാര ചര്‍ച്ചകളില്‍  നിന്ന് ഓരത്തെക്ക്  തള്ളപ്പെട്ടിട്ടുണ്ട് എന്ന് കാണുമ്പോള്‍ ഈ കഥകളുടെ ഭീകരത മനസിലാക്കാം.

മാവോയിസ്റ്റ് വേട്ടയെ ഒരു ശ്രദ്ധതിരിക്കല്‍ തന്ത്രമായി കാണരുത് എന്ന ഒരു വാദവും ഇപ്പോള്‍ ഉയര്‍ന്നു വന്നിട്ടിട്ടുണ്ട്. സാമൂഹ്യ/മനുഷ്യാവകാശ പ്രവര്‍ത്തകര്‍ / കലാ രംഗത്തെ പ്രമുഖര്‍ ഒപ്പിട്ട ഒരു പ്രസ്താവനയില്‍ പറയുന്നത്  ആഗോളവത്കരണത്തിന്റെ ഒരു നീക്കമായി കാണണമെന്നും  കേരളത്തിലെ വയനാട് പോലുള്ള പ്രദേശങ്ങള്‍ തന്ത്രപ്രധാനമാണെന്നും  വിമാനത്താവളം, ക്രിക്കറ്റ് സ്റ്റേഡിയം, സ്വകാര്യ മെഡിക്കല്‍ കോളേജ് തുടങ്ങിയ വന്‍കിട പദ്ധതികള്‍ സ്ഥാപിക്കാനിരിക്കുന്ന വയനാട്ടില്‍ ഇതിന്റെയെല്ലാം പേരില്‍ നടക്കാന്‍ പോകുന്ന വ്യാപക കുടിയൊഴിപ്പിക്കലുകള്‍ക്കെതിരെ ഉയരാന്‍ സാധ്യതയുള്ള പ്രതിഷേധങ്ങളെ മുന്‍കൂട്ടി അടിച്ചമര്‍ത്തുകയെന്ന ലക്ഷ്യത്തോടെയാണ് ഈ അറസ്റ്റുകള്‍ നടക്കുന്നതെന്നുമാണ്. ഈ ഒരു വ്യാഖ്യാനം “സാമ്രാജ്യത്വ  വിരുദ്ധതയുടെ”  മുഷിപ്പന്‍ ഇടതു  rhetoric നുള്ളിലേക്ക് പ്രശ്നങ്ങളെ കൊണ്ടുപോയി  ദളിത്  ആദിവാസി ഭൂമി പ്രശ്നം പോലുള്ള സജീവ പ്രശ്നങ്ങളെ തമസ്‌ക്കരിക്കുന്നുവെന്നാണ് എനിക്ക് തോന്നുന്നത്.
ഈ അവസരത്തില്‍ ദളിത്- ആദിവാസികളെ സംബന്ധിച്ച ഒരു പ്രധാന വെല്ലുവിളി ഒരു പക്ഷെ കേരളത്തിന്റെ മുഖ്യധാരാ  രാഷ്ട്രീയ മണ്ഡലത്തില്‍ പ്രശ്നങ്ങള്‍ സൃഷ്ടിച്ചിരുന്ന രാഷ്ട്രീയ പ്രശ്നങ്ങളെ വീണ്ടും ശക്തമായി ഉയര്‍ത്തികൊണ്ടുവരികയെന്നതാണ് എന്ന് തോന്നുന്നു.ഭൂമി പ്രശ്നവും ദലിത്/ആദിവാസി/മുസ്ലിം അവകാശങ്ങളും ,സൂര്യനെല്ലി ഉള്‍പ്പെടെയുള്ള പ്രശ്നങ്ങളെ വീണ്ടും സജീവമാക്കിക്കൊണ്ട് മാത്രമായിരിക്കാം കൃത്രിമമായ ‘ഭീതി’ നിര്മ്മിതികളെ രാഷ്ട്രീയമായി മറികടക്കാന്‍ കഴിയുക.
____________________________________