മാനസി മോഹന്‍ എസ്
ഔദ്യോകികമായി യാതൊരു നടപടിയും എടുക്കാതെ നേരിട്ട് പോലീസിന്റെ സഹായം തേടിയ അഡ്മിന്റെ ഇടപെടൽ വിദ്യാർത്ഥികൾകിടയിൽ വലിയൊരു നടുക്കം തന്നെയായാണ് സൃഷ്ടിച്ചത്. ഇത്തരം കർശനമായ നടപടിയിലേക്ക് നീങ്ങാൻ മാത്രമുള്ള എന്ത് ക്രമസമാധാന പ്രശ്നമാണ് കാമ്പസ്സിൽ നിലനില്ക്കുന്നതെന്നു ബന്ധപ്പെട്ട അധികൃതർ വ്യക്തമാക്കണമെന്നാണ് വിദ്യാർത്ഥികളുടെ അവശ്യം. പാർശ്വവൽക്കരിക്കപ്പെട്ട സാംസ്കാരിക ചിഹ്നങ്ങളെ ക്രിമിനൽവല്ക്കരിക്കുന്ന യൂണിവേഴ്സിറ്റി നയങ്ങള്‍ അക്കാദമിക മേഖലയിലെ ജനാധിപത്യത്തോടുള്ള വെല്ലുവിളിയാണ്.

പൊതുകാഴ്ചകളിൽനിന്നും വേറിട്ടു നില്ക്കുന്ന എല്ലാവിധ സാംസ്കാരിക പ്രതിരോധങ്ങളെയും അക്കാദമിക ഭീഷണിയായി കണ്ടുകൊണ്ട്, ഇത്തരം പ്രതിരോധങ്ങളെ മുളയിലെ നുള്ളുക എന്ന വരേണ്യ അജണ്ടയാണു അഡ്മിൻ പോലീസ് ഹായത്തോടെ ഇഫ്ലുവിൽ നടപ്പിലാക്കികൊണ്ടിരിക്കുന്നത്. അതുകൊണ്ട് തന്നെയാണ് ഈയിടെ ഒരു കുട്ടം വിദ്യാർഥികൾ സംഘടിപ്പിച്ച അസുര വാരാഘോഷം അഡ്മിനു തലവേദനവരുത്തിയതും.
അസുരവാരാഘോഷത്തെ തുടർന്ന് അഡ്മിൻ യൂണിവേർസിറ്റിയിലെ ആറു വിദ്യാർഥികൾകെതിരെ (ക്രൈം നമ്പർ 350 / 2013 u/ s 153 CA I P C) പ്രകാരംഉസ്മാനിയപോലീസിൽകേസ്രജിസ്റ്റർചെയ്തു.
വിദ്യാർഥികൾക്കിടയിൽ മതപരവും വർഗീയപരവുമായ സ്പർധ വളർത്തുകയും അതുവഴി വിദ്യാർഥി ഐക്യത്തിനു ഹാനികരമായിമാറുകയും ചെയ്യുന്നു എന്ന് ആരോപിച്ചായിരുന്നു കുറ്റം ചുമത്തിയത്. എന്നാൽ കുറ്റപത്രത്തിലെ കേസിനെ കുറിചു യാതൊരുവിധ വിശദീകരണവും നൽകാൻ പോലീസിന് ഇതുവരെ കഴിഞ്ഞിട്ടില്ല. സെപ്റ്റംബർ 9 മുതൽ 15 വരെ നടത്തിയ അസുരവാരമാണ് കേസിന് ആധാരമായത്.
മുഖ്യധാരയിൽ ഉൾപ്പെടാത്ത ഓരോ സാംസ്കാരിക ആഘോഷങ്ങൾക്കും യൂണിവേഴ്സിറ്റിതലത്തിൽ അർഹിക്കുന്ന പ്രാധാന്യം വീണ്ടെടുക്കുക എന്ന ഉദ്ദേശത്തോട്കൂടിയാണ് അസുരവാരം ആഘോഷിക്കപ്പെട്ടത്. ആഴ്ചയിലെ ഓരോ ദിവസവും ഓരോ അസുരനുമായിബന്ധപ്പെടുത്തിയായിരുന്നു പരിപാടികൾ. ഫെയിസ് പെയിന്റിംഗ് മത്സരം, ശില്പപ്രതിഷ്ഠ (വിഷയം: ശൂർപണക) , ക്യാൻവാസ് പെയിന്റിംഗ് (വിഷയം : അടിച്ചമർത്തപ്പെട്ടവരുടെ ഓർമകുറിപ്പുകൾ), ചർച്ചാ-സംവാദങ്ങള്‍ , കാഞ്ചഇലയ്യ, യോഗേഷ്മാസ്റ്റർ തുടങ്ങിയവർ പങ്കെടുത്ത അക്കാദമിക്ക് സെമിനാറുകൾ (വിഷയം: ഇന്ത്യൻ ചരിത്രം ഒരു മറുവായന : പുനർവ്യാഖ്യാനിക്കപ്പെടുന്ന മതേതര ചിന്തകൾ) എന്നിങ്ങനെ വ്യത്യസ്തരീതിയിലുള്ള പരിപാടികൾ വിദ്യാർഥികൾ ചേർന്ന് സംഘടിപ്പിച്ചു.
ഒരാഴ്ചയോളം നീണ്ടുനിന്ന ആഘോഷത്തിനിടയിൽ ഒരു ഘട്ടത്തിൽ പോലും അധികൃതർ ഒരുതരത്തിലുമുള്ള എതിർപ്പോ വിമർശനമോ പ്രകടിപ്പിച്ചിരുന്നില്ല എന്ന്മാത്രമല്ല, യൂണിവേർസിറ്റി നിയമത്തിൽ പരാമർശിക്കുന്നനിയമങ്ങളോ നടപടികളോ ഒന്നും സ്വീകരിക്കാതെയാണു പോലീസിൽ പരാതിപ്പെട്ടിരിക്കുന്നത് എന്നതും ശ്രദ്ധേയമാണ്. പൊതുവെ ഇത്തരം കേസുകളിൽ ബാധകമായ താക്കീത്, ന്യായീകരണം, നല്ലനടപടിക്കുള്ള ഉടമ്പടിവാങ്ങൽ തുടങ്ങിയ സാധ്യതകളും ഈ കേസിൽ സ്വീകരിക്കപ്പെട്ടില്ല.
യൂണിവേഴ്സിറ്റി അധികൃതരുടെ ഭാഗത്തുനിന്നുണ്ടായ നിയമലംഘനത്തിന്റെ പേരിൽ വിദ്യാർത്ഥികൾ പോലീസ്ഭീഷണിയും അറസ്റ്റും വരെ നേരിടേണ്ടിവന്ന സാഹചര്യങ്ങൾ ഇതിനുമുമ്പും ഇവിടെഉണ്ടായിട്ടുണ്ട്. വിദ്യാർത്ഥികള്‍ നടത്തുന്ന എല്ലാവിധ സര്ഗാവത്മകവും സൃഷ്ടിപരവുമായ ചർച്ചകളെയും പ്രതിരോധസമരങ്ങളെയും അച്ചടക്കത്തിന്റെയും സുരക്ഷയുടെയും പേരിൽ അടിച്ചമർത്തുക എന്ന യൂണിവേഴ്സിറ്റിയുടെ നയമായിമാറിയിരിക്കുകയാണ് . പൊതുകാഴ്ചപ്പാടില്‍ നിന്നും, വിശ്വാസസമ്പ്രദായങ്ങളില്‍ നിന്നും വേറിട്ട് നില്ക്കുന്നവ്യത്യസ്തമായ ആശയങ്ങള്‍ക്കും ചർച്ചകൾക്കും ഇടം നിഷേധിക്കുന്നതിലൂടെ അക്കാദമിക്സ്പേസിലെ മിനിമം ജനാധിപത്യ സ്വാതന്ത്ര്യമാണ് നിഷേധിക്കപ്പെടുന്നത് . ഇത്തരം പ്രശ്നങ്ങളെ അക്കാദമിക്ക് ബീഷണികളായി ഉയർത്തിക്കാട്ടുകയും ബന്ധപ്പെട്ട വിദ്യാർത്ഥികൾക്കുമേൽ ക്രിമിനൽകുറ്റം ചുമത്തുകയുമാണ് അഡ്മിനിസ്ട്രേഷന്‍ ചെയുന്നത്.
ഫെയ്സ്പെയിന്റിങ്ങും അക്കാദ മിക്ചർച്ചകളും പോലുള്ള പരിപാടികൾ ഭീഷണികളായി കണക്കാക്കുന്ന അഡ്മിൻ എന്തുകൊണ്ട് ബന്ധപ്പെട്ട വിദ്യാർഥികളുമായി ഒരു ചർച്ചക്കു പോലും തയ്യാറായില്ല?. വിദ്യാഭ്യാസസ്ഥാപനത്തിനുള്ളിൽ നടക്കുന്ന ഇത്തരം പ്രശ്നങ്ങളെല്ലാം സ്ഥാപനത്തിനകത്തു വെചുതന്നെ നേരിട്ടുള്ള ചര്ച്ചകകളിലൂടെയും മറ്റും തന്നെ കൈകാര്യം ചെയ്യപ്പെടേണ്ടതാണ്. നിയന്ത്രണാതീതമായ സാഹചര്യങ്ങളിൽ മാത്രമേ പോലീസ് ഇടപെടൽ അനിവാര്യമാവുന്നുള്ളൂ എന്ന സുപ്രീംകോടതി അനുശാസനം കണ്ടില്ലെന്നു നടിക്കുകയാണ് അഡ്മിൻ.
ഔദ്യോകികമായി യാതൊരു നടപടിയും എടുക്കാതെ നേരിട്ട് പോലീസിന്റെ സഹായം തേടിയ അഡ്മിന്റെ ഇടപെടൽ വിദ്യാർത്ഥികൾകിടയിൽ വലിയൊരു നടുക്കം തന്നെയായാണ് സൃഷ്ടിച്ചത്. ഇത്തരം കർശനമായ നടപടിയിലേക്ക് നീങ്ങാൻ മാത്രമുള്ള എന്ത് ക്രമസമാധാന പ്രശ്നമാണ് കാമ്പസ്സിൽ നിലനില്ക്കുന്നതെന്നു ബന്ധപ്പെട്ട അധികൃതർ വ്യക്തമാക്കണമെന്നാണ് വിദ്യാർത്ഥികളുടെ അവശ്യം.
പാർശ്വവൽക്കരിക്കപ്പെട്ട സാംസ്കാരിക ചിഹ്നങ്ങളെ ക്രിമിനൽവല്ക്കരിക്കുന്ന യൂണിവേഴ്സിറ്റി നയങ്ങള്‍ അക്കാദമിക മേഖലയിലെ ജനാധിപത്യത്തോടുള്ള വെല്ലുവിളിയാണ്. ജനാധിപത്യപരമായ സംവാദങ്ങളും വിമര്ശാനങ്ങളും പ്രതിരോധങ്ങളും നടത്താനുള്ള അവകാശം ഒരു അക്കാദമിക്സ്പേസിൽ ലഭ്യമാകേണ്ടത് അനിവാര്യമാണ്. ഇത്തരം അവകാശങ്ങളെ ഹനിക്കാനുള്ള യൂണിവേഴ്സിറ്റിയുടെ ഉദ്യമങ്ങൾക്കെതിരെ പ്രതിഷേധം ശക്തമാവുകയാണ്. ഒരു അക്കാദമിക്സ്പേസിൽ നടക്കുന്ന ഇത്തരം പ്രശ്നങ്ങളെ നേരിടാൻ പോലീസിനെ ആശ്രയിക്കേണ്ടിവരുന്ന യൂണിവേഴ്സിറ്റി അധികൃതരുടെ നടപടികൾ അപലപിച്ചു കൊണ്ട് നിരവധി മനുഷ്യാവകാശ പ്രവര്ത്തനകര്‍ ഇതിനകം തന്നെ രംഗത്ത് വന്നിട്ടുണ്ട്.