ടി മുഹമ്മദ്‌ വേളം

 

ഇന്ത്യ നീങ്ങുന്നത് ബാബരി മസ്ജിദിന്റെ തകര്‍ക്കലിലേക്കാണെന്ന് ഒരു ജ്ഞാനിയെപ്പോലെ നേരത്തെ തിരിച്ചറിഞ്ഞ സാമൂഹ്യ നിരീക്ഷകനായിരുന്നു താരുണ്യപ്രായത്തിലുള്ള അബ്ദുന്നാസിര്‍ മഅ്ദനി. ഫാഷിസത്തെക്കുറിച്ച മുന്നറിയിപ്പുകളാല്‍ നിര്‍ഭരമായിരുന്നു അദ്ദേഹത്തിന്റെ ആദ്യകാല പ്രഭാഷണങ്ങള്‍. ആ മുന്നറിയിപ്പുകള്‍ പറഞ്ഞതിനേക്കാള്‍ ആഘാതത്തോടെ പുലരുന്നതിന് നാട് സാക്ഷിയാവേണ്ടിവന്നു. മഅ്ദനിയുടെ പ്രസംഗത്തില്‍ പറഞ്ഞതിനേക്കാള്‍ എത്രയോ ഭീകരമായ സംഭവത്തിനാണ് 92 ഡിസംബര്‍ ആറിന് നാം സാക്ഷിയാവേണ്ടി വന്നത്. മഅ്ദനി കേരളത്തില്‍ നടത്തിയ ഘോരപ്രഭാഷണങ്ങള്‍ കാരണമാണ് ഇന്ത്യയില്‍ ഫാഷിസം തിടംവെച്ചതെന്നും ഫൈസാബാദില്‍ ബാബരി മസ്ജിദിന്റെ താഴിക കുടങ്ങള്‍ തകര്‍ത്തു കളഞ്ഞതെന്നും ആരും പറഞ്ഞു കളയില്ലല്ലോ. പക്ഷെ, മാധ്യമ കോടതികളും ഔപചാരിക കോടതികളും ബാബരിഘാതകരെ വെറുതെ വിടുകയും മഅ്ദനിയെ ശിക്ഷിക്കുകയും ചെയ്തു.

ഇസ്‌ലാം പേടിയുടെ ഇരുണ്ടകാലത്തിന്റെ പ്രതിരൂപമാണദ്ദേഹം. ഒരു സമുദായം തന്നെ തടവിലാക്കപ്പെടുമ്പോള്‍ അതിന്റെ പ്രതിനിധിയാവാന്‍ യോഗ്യതയുള്ള ശരീരവും ശബ്ദവുമായിരുന്നു അദ്ദേഹത്തിന്റേത്. ഇന്ത്യ നീങ്ങുന്നത് ബാബരി മസ്ജിദിന്റെ തകര്‍ക്കലിലേക്കാണെന്ന് ഒരു ജ്ഞാനിയെപ്പോലെ നേരത്തെ തിരിച്ചറിഞ്ഞ സാമൂഹ്യ നിരീക്ഷകനായിരുന്നു താരുണ്യപ്രായത്തിലുള്ള അബ്ദുന്നാസിര്‍ മഅ്ദനി. ഫാഷിസത്തെക്കുറിച്ച മുന്നറിയിപ്പുകളാല്‍ നിര്‍ഭരമായിരുന്നു അദ്ദേഹത്തിന്റെ ആദ്യകാല പ്രഭാഷണങ്ങള്‍. ആ മുന്നറിയിപ്പുകള്‍ പറഞ്ഞതിനേക്കാള്‍ ആഘാതത്തോടെ പുലരുന്നതിന് നാട് സാക്ഷിയാവേണ്ടിവന്നു. മഅ്ദനിയുടെ പ്രസംഗത്തില്‍ പറഞ്ഞതിനേക്കാള്‍ എത്രയോ ഭീകരമായ സംഭവത്തിനാണ് 92 ഡിസംബര്‍ ആറിന് നാം സാക്ഷിയാവേണ്ടി വന്നത്. മഅ്ദനി കേരളത്തില്‍ നടത്തിയ ഘോരപ്രഭാഷണങ്ങള്‍ കാരണമാണ് ഇന്ത്യയില്‍ ഫാഷിസം തിടംവെച്ചതെന്നും ഫൈസാബാദില്‍ ബാബരി മസ്ജിദിന്റെ താഴിക കുടങ്ങള്‍ തകര്‍ത്തു കളഞ്ഞതെന്നും ആരും പറഞ്ഞു കളയില്ലല്ലോ. പക്ഷെ, മാധ്യമ കോടതികളും ഔപചാരിക കോടതികളും ബാബരിഘാതകരെ വെറുതെ വിടുകയും മഅ്ദനിയെ ശിക്ഷിക്കുകയും ചെയ്തു. മഅ്ദനിയുടെ ആദ്യകാല പ്രഭാഷണങ്ങളില്‍ എന്തോ വര്‍ഗീയ ഭീകരവാദം ഉള്ളടങ്ങിയിരുന്നു എന്ന് പലരും പറഞ്ഞു കളയാറുണ്ട്. അതില്‍ തീഷ്ണതയുണ്ടാവാം. അതൊരു ചെറുപ്പക്കാരന്റെ വചന ഗര്‍ജനമായിരുന്നു. മര്‍ദ്ദിതന്റെ മുതുകില്‍ ഫാഷിസത്തിന്റെ ചാട്ടവാറുകള്‍ ഒന്നൊന്നായി വന്നുപതിച്ചുകൊണ്ടിരുന്നപ്പോള്‍, അതിന് മതേതര ഭരണകൂടങ്ങള്‍ സര്‍വ്വ ഒത്താശയും ചെയ്തു കൊടുത്തുകൊണ്ടിരുന്നപ്പോള്‍ മുഴങ്ങിയ വചന ഗര്‍ജനങ്ങള്‍, അതിന്റെ രൗദ്രം ഫാഷിസത്തിനെതിരായ രൗദ്രമായിരുന്നു. ആ വചനപ്പെരുമഴകള്‍ ഫാഷിസത്തിനെതിരായ രാഷ്ട്രീയ പ്രയോഗങ്ങളായിരുന്നു. ഫാഷിസത്തെ അക്കാദമികമായല്ല, ജനകീയമായാണ് മഅ്ദനി നേരിട്ടത്. അതിന്റെ മാര്‍ദ്ദവമില്ലായ്മ ആ സമീപനത്തിന്റെ അരികിനും മൂലക്കുമുണ്ടായിരുന്നു. മഅ്ദനി ഉയര്‍ത്തിയ ഫാഷിസം ചെറുക്കപ്പെടണം, എന്ന രാഷ്ട്രീയ പ്രമേയത്തോട് യോജിപ്പുള്ളവരെ സംബന്ധിച്ചെടുത്തോളം സമീപനത്തിന്റെ ബാക്കി തീവ്രതയോട് സഹിഷ്ണുതപ്പെടാവുന്നതേയുള്ളൂ.

നാം ഗാന്ധിയെ രാഷ്ട്രപിതാവായി അംഗീകരിക്കുമ്പോള്‍ തന്നെ ഭഗത്‌സിംഗിന്റെ യൗവന സാഹസികതയെ അതിന്റെ ന്യായവൈകാരികതയെ മുന്‍നിര്‍ത്തിയെങ്കിലും ആദരിക്കാറുണ്ട്. അത്ര കടുപ്പം വേണ്ടായിരുന്നു എന്നഭിപ്രായമുള്ളപ്പോഴും ആ ശത്രു എതിര്‍ക്കപ്പെടേണ്ടവനാണെന്ന കാര്യത്തില്‍ നമുക്കിടയില്‍ അഭിപ്രായാന്തരങ്ങളുണ്ടായിരുന്നില്ല. ഫാഷിസത്തെക്കുറിച്ച നമ്മുടെ ചാഞ്ചല്യങ്ങളാണ് മഅ്ദനിയും അപകടകാരിയാണെന്ന ഒത്തുതീര്‍പ്പ് ഫോര്‍മുലയില്‍ നമ്മെ കൊണ്ടെത്തിക്കുന്നത്. ഫാഷിസവുമായി ഒത്തു തീര്‍പ്പിനു ശ്രമിക്കുന്നു എന്നു പറയുന്നതിന്റെ അര്‍ത്ഥം നാം മനുഷ്യ വിരുദ്ധതയുടെ പക്ഷത്തുനില്‍ക്കാന്‍ ശ്രമിക്കുന്നു എന്നാണ്. അബോധത്തിലെ ഫാഷിസ പ്രീണനമാണ് ബോധത്തിലെ മഅ്ദനി വിരുദ്ധതയായി വേഷം മാറുന്നത്.

മഅ്ദനി സംസാരിച്ചത് ഭൂരിപക്ഷ സമുദായത്തെയും ന്യൂനപക്ഷ സമുദായങ്ങളെയും കുറിച്ചല്ല.  സവര്‍ണ്ണ ഫാഷിസത്തെയും അതിന്റെ ഇരകളാവുന്ന ന്യൂനപക്ഷ, പിന്നോക്ക, ദലിത് സമൂഹത്തെയും കുറിച്ചായിരുന്നു. അഥവാ മഅ്ദനിയുടെ പ്രഭാഷണങ്ങള്‍ രാഷ്ട്രീയ പ്രഭാഷണങ്ങളായിരുന്നു. സമാന്തരമായി അദ്ദേഹം വെറും മതപ്രഭാഷണങ്ങള്‍ നടത്തിപ്പോന്നിട്ടുണ്ട്. അതല്ല വിവാദങ്ങള്‍ സൃഷ്ടിച്ചത്, അറസ്റ്റുകള്‍ക്ക് കാരണമായത്. മഅ്ദനിയുടെ വിവാദ വ്യക്തിത്വം അടിമുടി ഒരു രാഷ്ട്രീയ വ്യക്തിത്വമായിരുന്നു. മഅ്ദനിക്ക് വേറെയും വ്യക്തിത്വങ്ങളുണ്ട് എന്നത് മറ്റൊരുകാര്യം. മഅ്ദനി ഉയര്‍ത്തിയ പ്രശ്‌നങ്ങള്‍ രാഷ്ട്രീയ പ്രശ്‌നങ്ങളായിരുന്നു. അത് ഫാഷിസ്റ്റ് വിരുദ്ധതയുടെ രാഷ്ട്രീയമായിരുന്നു. ഒരു സമുദായത്തിനും എതിരായ രാഷ്ട്രീയമായിരുന്നില്ല.  തീഷ്ണമായ ഫാഷിസ്റ്റ് വിരുദ്ധതയെ ഹിന്ദുവിരുദ്ധതയാക്കി അട്ടിമറിക്കാന്‍ ഫാഷിസ പ്രചരണ മിടുക്കിന് സാധിച്ചതിനാലും നമ്മുടെ ഉള്ളില്‍ അതിനോട് മൃദുമൂലകള്‍ ഉള്ളത്‌കൊണ്ടും മാത്രമാണ് മഅ്ദനി ഹിന്ദുവിരുദ്ധനായത്.
മഅ്ദനി 92 ഡിസംബര്‍ 6 വരെ പറഞ്ഞുകൊണ്ടിരുന്നത് രാഷ്ട്രീയമാണെന്നത് കൊണ്ടാണ് ഐ.എസ്.എസ് എന്ന സന്നദ്ധ സംഘടന നിരോധിക്കപ്പെട്ടപ്പോള്‍ അദ്ദേഹം പി.ഡി.പി എന്ന രാഷ്ട്രീയ പാര്‍ട്ടിക്ക് രൂപം നല്‍കിയത്. ഐ.എസ്.എസ് നിരോധിക്കപ്പെട്ടില്ലെങ്കിലും മഅ്ദനി രാഷ്ട്രീയപാര്‍ട്ടി രൂപീകരിക്കേണ്ടി വരുമായിരുന്നു. ആര്‍.എസ്.എസ് ബാബരി മസ്ജിദ് തകര്‍ത്തതിന് ഇങ്ങ് തെക്കന്‍ കേരളത്തിലെ ഒരു മുസ്‌ലിം സന്നദ്ധ സംഘടനയെ നിരോധിക്കുന്നു എന്നത് തന്നെ ഒരു രാഷ്ട്രീയ പ്രശ്‌നമാണ്. കോണ്‍ഗ്രസിന്റെ പ്രോ ഫാഷിസറ്റ് രാഷ്ട്രീയത്തെക്കുറിച്ചാണ് മഅ്ദനി സംസാരിച്ചു കൊണ്ടേയിരുന്നത്. സംഘടനയെ നിരോധിക്കാം, എന്നിട്ടും അതിജീവിക്കുന്ന വ്യക്തിയെ എന്താണ് ചെയ്യുക. ജയിലിലടക്കാം. ബാബരി ധ്വംസനത്തിന്റെ പേരില്‍ ഐ.എസ്.എസ് എന്ന മുസ്‌ലിം സന്നദ്ധ സംഘടനയെ നിരോധിച്ചത് തെറ്റാണെന്ന് പറയാന്‍ കഴിയുന്നവര്‍ക്കെ യഥാര്‍ഥത്തില്‍ മഅ്ദനിയെ ജയിലിലടച്ചത് തെറ്റാണെന്ന് പറയാന്‍ കഴിയൂ. കാരണം ഇത് രണ്ടിന്റെയും നീതിശാസ്ത്രം ഒന്നാണ്.
മഅ്ദനിയുടെ ജയില്‍വാസങ്ങളൊരു കേവല മാനുഷിക പ്രശ്‌നമല്ല. രാഷ്ട്രീയ പ്രശ്‌നമാണ്. മഅ്ദനിയുടെ ജയില്‍വാസം ഒരു ഹിന്ദു മുസ്‌ലിം പ്രശ്‌നമേയല്ല. മുസ്‌ലിം വിരുദ്ധതക്ക് യഥാര്‍ത്ഥത്തില്‍ നീതിമനസ്സുള്ള ഭൂരിപക്ഷ സാമാന്യ മനസ്സിനെ കൂട്ടുപിടിക്കാന്‍ ശ്രമിക്കുകയാണ്. അത്തരമൊരു വ്യവഹാരം രൂപപ്പെടുത്തുകയാണ്. ബാബരി പതനത്തിനു തൊട്ടു മുമ്പും പിമ്പും ലീഗെടുത്ത അരാഷ്ട്രീയ നിരുത്തരവാദ നിലപാടായിരുന്നു മഹോന്നതം എന്നത് ഫാഷിസ്റ്റ് കെട്ടുകഥ ഇപ്പോള്‍ ഇടത് മതേതര വാദികളുടെയടക്കം ഹൃദയവികാരമായി മാറ്റപ്പെട്ടിരിക്കുന്നു. ചരിത്രത്തിലെ ശരിയും തെറ്റും അളക്കാന്‍ വര്‍ത്തമാനം തന്നെ അളവ് പാത്രമായി നമ്മുടെ മുന്നിലുണ്ട്. ബാബരിധ്വംസനതിന്റെ ചരിത്രം ഇന്ന് പലരീതിയില്‍ ആവര്‍ത്തിച്ചുകൊണ്ടിരിക്കുകയാണ്. സാമ്രാജ്യത്വ നരകത്തിന്റെ തീചൂടായി ഇസ്‌ലാമോഫോബിയ പടരുമ്പോള്‍ സാമ്രാജ്യത്വ ദാസ്യവൃത്തി ദൗത്യമായി ഏറ്റെടുത്ത ഭരണകൂടങ്ങള്‍ മുസ്‌ലിം ചെറുപ്പത്തെ വിലങ്ങണിയിച്ച് പിടിച്ചുപോയികൊണ്ടിരിക്കുമ്പോള്‍ പ്രതികരിക്കാന്‍ രംഗത്തുള്ളത്, അന്ന് ബാബരിക്കുവേണ്ടി ഭരണകൂട അടിമത്തമില്ലാതെ പ്രതികരിക്കാന്‍ സന്നദ്ധരായവര്‍ മാത്രമാണ്.

ബാബരി ധ്വംസനക്കാലത്ത് ആരുടെ നിലപാടായിരുന്നു ശരി എന്നതിന്റെ അളവുകോല്‍ ഇപ്പോഴും ആരാണ് ശരിയായ നിലപാടുകള്‍ സ്വീകരിക്കുന്നത് എന്നതാണ്. തെറ്റു ചെയ്തവര്‍ തെറ്റു ആവര്‍ത്തിക്കുകയാണ്. ശരി ചെയ്തവര്‍ ശരിയും. മുസ്‌ലിം ലീഗിതര മുസ്‌ലിം സംഘടനകള്‍, അന്യായമായി അറസ്റ്റു ചെയ്യപ്പെടുന്ന മുസ്‌ലിം ചെറുപ്പക്കാരുടെ പ്രശ്‌നം ഏറെ പണിപ്പെട്ട് ഉയര്‍ത്തിക്കൊണ്ടു വന്നാല്‍ എവിടെയും തൊടാത്ത ഒരു പ്രമേയം വേണമെങ്കില്‍ ലീഗും പാസാക്കും. ലീഗിതര മുസ്‌ലിം രാഷ്ട്രീയത്തിന്റെ സമ്മര്‍ദത്തെ ലഘൂകരിക്കാന്‍ എന്തോ ഞങ്ങളും ചെയ്തു എന്നു വരുത്താന്‍. അതിനപ്പുറം ബാബരി മസ്ജിദോ മുസ്‌ലിം യുവാക്കളുടെ അന്യായമായ തടവോ സാമ്രാജ്യത്തമോ ഭരണകൂട ഭീകരതയോ ഫാഷിസമോ ഒന്നും യഥാര്‍ത്ഥതില്‍ ലീഗിന്റെ വിഷയങ്ങളെയല്ല. ഇതിനെ മാരകമായ പ്രഹരശേഷിയോടെ ചോദ്യം ചെയ്തതിനുള്ള ശിക്ഷ കൂടിയാണ് മഅ്ദനിയുടെ ജയില്‍വാസങ്ങള്‍. അത്‌കൊണ്ടാണ് മുസ്‌ലിംകളുടെ അന്യായ തടവിനെ കുറിച്ച് ഞങ്ങള്‍ പറയാം. (അത് ലീഗ് ആര്‍ക്കോ ചെയ്ത് കൊടുക്കുന്ന ഔദാര്യമാണ്). പക്ഷേ അതിന്റെ ഉടല്‍രൂപമായ മഅ്ദനിയെക്കുറിച്ച് പറയില്ല എന്ന നിലപാടെടുക്കേണ്ടി വരുന്നത്. ന്യൂനപക്ഷ രാഷ്ട്രീയത്തിലെ നിലപാടില്ലായ്മയുടെ ഒരു അശ്ലീല രൂപമാണ് ഒരുപാടു കാലമായി മുസ്‌ലിം ലീഗ്.
മഅ്ദനി രൂപം നല്‍കിയ രാഷ്ട്രീയ പ്രസ്ഥാനത്തില്‍ മുസ്‌ലിംകള്‍ മാത്രമല്ല അല്ലാത്തവരും ധാരാളം ഉണ്ടായിരുന്നു. മഅ്ദനി ഉന്നയിച്ചത് ഒരു ഹിന്ദു മുസ്‌ലിം പ്രശ്‌നമല്ല എന്നതിന്റെ സാക്ഷ്യമാണത്. മഅ്ദനി പറഞ്ഞ പീഡിതന്റെ രാഷ്ട്രീയത്തെ തിരിച്ചറിഞ്ഞ് കടന്നു വന്നവരായിരുന്നു അവര്‍.
സവര്‍ണ്ണ ഫാഷിസത്തിന്റെ മസ്തകത്തിലടിക്കുന്ന മുദ്രാവാക്യങ്ങള്‍ അദ്ദേഹം ഉയര്‍ത്തിയിരുന്നു. ഇത് സൃഷ്ടിക്കുന്ന പ്രകോപന താപങ്ങളെ അതിജീവിക്കാനാവശ്യമായ സംഘടനാ ആരോഗ്യം അദ്ദേഹത്തിന്റെ രാഷ്ട്രീയ പ്രയോഗത്തിനുണ്ടായിരുന്നോ എന്നത് പ്രധാനമായ ഒരു വിഷയമാണ്. മഅ്ദനി ക്രാന്തദര്‍ശിത്തമുള്ള ഒരു സാമൂഹിക നിരീക്ഷകനായിരുന്നു. മലയാളം കണ്ട മികച്ച ജനകീയ പ്രഭാഷകരില്‍ ഒരാളായിരുന്നു. പ്രഭാഷണം സൃഷ്ടിച്ച പാര്‍ട്ടിയായിരുന്നു അദ്ദേഹത്തിന്റെത്. മഅ്ദനി മികച്ച ഒരു സംഘാടകനായിരുന്നോ, ഒരു സംഘടന മുന്നോട്ടുകൊണ്ടുപോകാനാവശ്യമായ ജനാധിപത്യ അനുശീലനങ്ങള്‍ അദ്ദേഹത്തിലുണ്ടായിരുന്നോ എന്നതും സംശയാസ്പദമാണ്. അദ്ദേഹത്തിന്റെ സംഘടനാ ശരീരത്തിന്റെ അനാരോഗ്യങ്ങള്‍ ഒരിക്കലും അദ്ദേഹം ഉയര്‍ത്തിയ രാഷ്ട്രീയത്തെ അപ്രസക്തമാക്കുന്നില്ല.