മാധുരി സല്‍ക്സോ

മേല്‍ജാതി സ്ത്രീകളുടെ ശരീരം പരിശുദ്ധവും അവയ്ക്ക് മേലുള്ള കടന്നുകയറ്റം തക്കതായ ശിക്ഷ അര്‍ഹിക്കുന്നതാണെന്നും അതേ സമയം ദലിത്-ബഹുജന്‍-ആദിവാസി സ്ത്രീകളുടെയും മണിപ്പൂരിലെയും കാശ്മീരിലെയും മിലിട്ടറി ഭരണകൂടങ്ങള്‍ക്ക് കീഴില്‍ ഞെരിഞ്ഞമരുന്ന സ്ത്രീകളുടെയും ശരീരങ്ങള്‍ ബലാല്‍സംഗം അര്‍ഹിക്കുന്നവയാണെന്നും (rape worthy) ഈ സ്ത്രീകളുടെ മേലുള്ള പുരുഷന്മാരുടെ ലൈംഗികാതിക്രമങ്ങള്‍ തിരുത്തപ്പെടേണ്ടതില്ലെന്നുമുള്ള സവര്‍ണ-ഹിന്ദു വിശ്വാസങ്ങളെയാണ് ഇപ്പോള്‍ നടക്കുന്ന പ്രക്ഷോഭങ്ങളും നിശബ്ദതകളും ദൃഡീകരിക്കുന്നത്.

ബലാല്‍സംഗത്തെക്കുറിച്ച് റിപ്പോര്‍ട്ടിന്‍മേല്‍ മുഖ്യധാര മാധ്യമങ്ങള്‍ എന്തിനാണ് ഇത്രമാത്രം രോഷം കൊള്ളുന്നതെന്ന ചിന്തയാണ് എന്നെ ആശ്ചര്യപ്പെടുത്തുന്നത്. ഞങ്ങള്‍ ദലിത്-ബഹുജന്‍-ആദിവാസി സ്ത്രീകളെ സംബന്ധിച്ചിടത്തോളം ഈ സംഭവം ഭയാനകത നിറഞ്ഞതും അതേ സമയം പരിചിതവുമാണ്.
ഇതേ ഡല്‍ഹിയില്‍ തന്നെ നൂറുകണക്കിന് ആദിവാസി പെണ്‍കുട്ടികളെ വീട്ടുവേലക്കായി കൊണ്ടുപോകുകയും തുടര്‍ന്ന് ബലാല്‍സംഗം ചെയ്യപ്പെടുകയും കാണാതാവുകയുമൊക്കെ ചെയ്യുന്നുണ്ട്. എന്തുകൊണ്ടാണ് മുഖ്യധാര മാധ്യമങ്ങള്‍ അത്തരം സംഭവങ്ങളെ വാര്‍ത്താപ്രാധാന്യമുള്ളവയായി പരിഗണിക്കാത്തത്? ഞങ്ങളെ മാനഭംഗപ്പെടുത്തുന്ന, സവര്‍ണ പശ്ചാത്തലത്തില്‍ നിന്ന് വരുന്ന മേല്‍ജാതി പുരുഷന്മാരെ വധശിക്ഷക്ക് വിധേയമാക്കണമെന്ന് ആവശ്യപ്പെട്ടുകൊണ്ട് ഒരു കോലാഹലവും ഉയരാത്തതെന്ത് കൊണ്ടാണ്? മറ്റുള്ളവരാല്‍ മാനഭംഗപ്പെടുത്തപ്പെടാന്‍ വേണ്ടിയാണ് ഞങ്ങള്‍ ജനിച്ച് വീണത് എന്നത് കൊണ്ടാണോ?
മേല്‍ജാതി സ്ത്രീകളുടെ ശരീരം പരിശുദ്ധവും അവയ്ക്ക് മേലുള്ള കടന്നുകയറ്റം തക്കതായ ശിക്ഷ അര്‍ഹിക്കുന്നതാണെന്നും അതേ സമയം ദലിത്-ബഹുജന്‍-ആദിവാസി സ്ത്രീകളുടെയും മണിപ്പൂരിലെയും കാശ്മീരിലെയും മിലിട്ടറി ഭരണകൂടങ്ങള്‍ക്ക് കീഴില്‍ ഞെരിഞ്ഞമരുന്ന സ്ത്രീകളുടെയും ശരീരങ്ങള്‍ ബലാല്‍സംഗം അര്‍ഹിക്കുന്നവയാണെന്നും (rape worthy) ഈ സ്ത്രീകളുടെ മേലുള്ള പുരുഷന്മാരുടെ ലൈംഗികാതിക്രമങ്ങള്‍ തിരുത്തപ്പെടേണ്ടതില്ലെന്നുമുള്ള സവര്‍ണ-ഹിന്ദു വിശ്വാസങ്ങളെയാണ് ഇപ്പോള്‍ നടക്കുന്ന പ്രക്ഷോഭങ്ങളും നിശബ്ദതകളും ദൃഡീകരിക്കുന്നത്.
ഞങ്ങള്‍ക്ക് മേല്‍ കൂട്ട ബലാത്സംഗങ്ങള്‍ നടക്കുമ്പോഴെല്ലാം നിശബ്ദത പാലിച്ചിട്ടുള്ള സ്ത്രീ നേതാക്കന്മാരുടെ (പ്രക്ഷോഭകാരികളായ പെണ്‍കുട്ടികളല്ല, ദലിത് -ബഹുജന്‍-ആദിവാസി സ്ത്രീകളില്‍ നിന്നുള്ള പോരാട്ടങ്ങളെക്കുറിച്ചു പൂര്‍ണ്ണബോധ്യമുള്ള മുതിര്‍ന്ന സ്ത്രീ സംഘടനാ നേതാക്കളെക്കുറിച്ചാണ് ഞാനിവിടെ പറയുന്നത്) ഉദാസീനമായ നിലപാടിനോട് എതിരിടാന്‍ തന്നെയാണ് ഞങ്ങള്‍ ശ്രമിക്കുന്നത്. എന്തിന്, അടുത്തുള്ള ഹരിയാനയില്‍ ഇത്തരം സംഭവങ്ങളുണ്ടാകുകയും ഡല്‍ഹിയിലെ ദലിത് സംഘടനകള്‍ ഇതൊരു ദേശീയ സംസാരവിഷയമാക്കാന്‍ കഠിനപ്രയത്നം നടത്തിയപ്പോള്‍ പോലും ഈ സ്ത്രീ സംഘടന നേതാക്കള്‍ മൌനവ്രതത്തിലായിരുന്നു. ദലിത്-ബഹുജന്‍-ആദിവാസി സ്ത്രീകളുടെ കാര്യത്തില്‍ ഉദാസീനമായ നിലപാടെടുത്ത ഇക്കൂട്ടര്‍ ഇപ്പോള്‍ നടക്കുന്ന പ്രക്ഷോഭങ്ങളെ ആഘോഷിക്കുകയാണ്.

_______________________________________

ഞങ്ങള്‍ക്ക് മേല്‍ കൂട്ട ബലാത്സംഗങ്ങള്‍ നടക്കുമ്പോഴെല്ലാം നിശബ്ദത പാലിച്ചിട്ടുള്ള സ്ത്രീ നേതാക്കന്മാരുടെ (പ്രക്ഷോഭകാരികളായ പെണ്‍കുട്ടികളല്ല, ദലിത് -ബഹുജന്‍-ആദിവാസി സ്ത്രീകളില്‍ നിന്നുള്ള പോരാട്ടങ്ങളെക്കുറിച്ചു പൂര്‍ണ്ണബോധ്യമുള്ള മുതിര്‍ന്ന സ്ത്രീ സംഘടനാ നേതാക്കളെക്കുറിച്ചാണ് ഞാനിവിടെ പറയുന്നത്) ഉദാസീനമായ നിലപാടിനോട് എതിരിടാന്‍ തന്നെയാണ് ഞങ്ങള്‍ ശ്രമിക്കുന്നത്. എന്തിന്, അടുത്തുള്ള ഹരിയാനയില്‍ ഇത്തരം സംഭവങ്ങളുണ്ടാകുകയും ഡല്‍ഹിയിലെ ദലിത് സംഘടനകള്‍ ഇതൊരു ദേശീയ സംസാരവിഷയമാക്കാന്‍ കഠിനപ്രയത്നം നടത്തിയപ്പോള്‍ പോലും ഈ സ്ത്രീ സംഘടന നേതാക്കള്‍ മൌനവ്രത്തിലായിരുന്നു. ദലിത്-ബഹുജന്‍-ആദിവാസി സ്ത്രീകളുടെ കാര്യത്തില്‍ ഉദാസീനമായ നിലപാടെടുത്ത ഇക്കൂട്ടര്‍ ഇപ്പോള്‍ നടക്കുന്ന പ്രക്ഷോഭങ്ങളെ ആഘോഷിക്കുകയാണ്.
_______________________________________

ഒറ്റപ്പെട്ട ശബ്ദങ്ങളായും സമര്‍പ്പണ മനസ്സുള്ള ആക്റ്റിവിസ്റുകളുടെ ചെറിയ ഗ്രൂപ്പുകളായും ലൈംഗികാതിക്രമങ്ങള്‍ക്കെതിരെ നീതിതേടുന്ന ദലിത്-ആദിവാസി സ്ത്രീകളെക്കുറിച്ച് രേഖാമൂലമുള്ള തെളിവ് നിലനില്‍ക്കുന്നുണ്ട്. രാജ്യത്തിന്റെ ഒരറ്റം മുതല്‍ മറ്റേ അറ്റം വരെ അത്തരം പോരാട്ടങ്ങളെ നമുക്ക് ബന്ധിപ്പിക്കാന്‍ കഴിയും. ഒരു മഞ്ഞുമലയുടെ ചെറിയൊരു ഭാഗം മാത്രമാണിത്. രേഖകളുടെ (വസ്തുതാന്വേഷണ ദൌത്യങ്ങള്‍, ന്യൂസ് റിപ്പോര്‍ട്ടുകള്‍) വിപുലമായ മറ്റു ശേഖരങ്ങള്‍ സൂചിപ്പിക്കുന്നത് അവയില്‍ പലതും ഡോക്യുമെന്റേഷന്‍ ഘട്ടത്തില്‍ പോലും എത്താന്‍ അനുവദിക്കപ്പെട്ടിട്ടില്ലെ ന്നാണ്. സോണി സോറിയുടെ കേസ് തന്നെയെടുക്കുക. പൊതുശ്രദ്ധ നേരിയ തോതിലെങ്കിലും ലഭിച്ച ചുരുക്കം ചില ആദിവാസി കേസുകളിലൊന്നായിരുന്നത്. എന്നാല്‍ ആ കേസിപ്പോഴും വേണ്ടത്ര മുന്നോട്ട് പോയിട്ടില്ലെന്ന് മാത്രമല്ല, അവളുടെ മേല്‍ സമ്പൂര്‍ണ്ണ നിയന്ത്രണം സ്ഥാപിച്ച ലൈംഗികാതിക്രമകാരികളുമായി (യൂണിഫോം ധരിച്ച പുരുഷന്മാര്‍) ജയിലില്‍ അവള്‍ പോരാട്ടം തുടരുകയാണ്. മനോരമയുടെ മൃഗീയ കൊലപാതകത്തെത്തുടര്‍ന്ന്, അഫ്സ്പയുടെ മറവില്‍ സ്ത്രീകള്‍ക്കെതിരെ നടക്കുന്ന കുറ്റകൃത്യങ്ങളെ പൊതുജന ശ്രദ്ധയില്‍കൊണ്ട് വരാനുള്ള ഇറോമിന്റെ അതുല്യവും ദീര്‍ഘവും ശ്രമകരവുമായ പോരാട്ടം ഒരു ദേശീയ പ്രക്ഷോഭത്തെ ഉല്‍പാദിപ്പിക്കുന്നതില്‍ പരാജയപ്പെടുന്നു. എന്തിന്, അതൊരു സ്ഥിരമായ സംസാര വിഷയം പോലുമാകുന്നില്ല. വചാട്ടിയിലെ ആദിവാസിസ്ത്രീകള്‍ക്ക് നീതി ലഭ്യമാകാന്‍ 26 വര്‍ഷം നീണ്ട സമര്‍പ്പിതവും സുസ്ഥിരവുമായ പോരാട്ടം തന്നെ നടത്തേണ്ടിവന്നു. ഇവര്‍ക്ക് മനസ്സാക്ഷി സൂക്ഷിപ്പുകാരില്‍നിന്ന് ഒരു ശ്രദ്ധയും ലഭിച്ചില്ല.
മുഴുവന്‍ സ്ത്രീകള്‍ക്കെതിരെയും നടക്കുന്ന നിരന്തരമായ ആക്രമണങ്ങളില്‍നിന്ന് നഗരത്തില്‍വെച്ച് നടന്ന ഈ കൂട്ടബലാല്‍സംഗത്തെ മാറ്റിനിര്‍ത്തുന്നതിന്റെ വ്യര്‍ത്ഥതയെക്കുറിച്ച് എനിക്ക് ഇനിയും ഒരുപാട് എഴുതാന്‍ കഴിയും. ഞങ്ങളുടെ അരികുവല്‍ക്കരിക്കപ്പെട്ട പദവിയും പ്രബലരായ മേല്‍ജാതി സ്ത്രീകളും എന്ന യാഥാര്‍ത്ഥ്യത്തെയോ ലൈംഗികാതിക്രമങ്ങള്‍ക്കെതിരെയുള്ള പ്രക്ഷോഭങ്ങളെ ആളിക്കത്തിക്കാനും നിശബ്ദമാക്കാനുമുള്ള അവരുടെ പ്രാപ്തിയെയോ ഊന്നിപ്പറയാന്‍ വേണ്ടിയല്ല ഇതെഴുതുന്നത്. മറിച്ച് സ്വന്തം വീടുകളില്‍ നടക്കുന്ന ലൈംഗികാതിക്രമങ്ങള്‍ക്കെതിരെ പോരാടുന്നവരും ദൌര്‍ഭാഗ്യവശാല്‍ പ്രക്ഷോഭ തലസ്ഥാനത്തിന് പുറത്ത് ജീവിക്കുന്നവരുമായ അവരുടെ തന്നെ ജാതികളിലും വര്‍ഗത്തിലും പെട്ട സ്ത്രീകളോടുള്ള മാന്യതയ്ക്ക് നിരക്കാത്ത പ്രവൃത്തികൂടിയാണിത്. എന്നാണെന്റെ വാദം.
ഷീബ അസ്ലം ഫെഫ്മി രസകരമായി ഈ യാഥാര്‍ത്ഥ്യത്തിലേക്ക് വെളിച്ചംവീശുന്നുണ്ട്.

__________________________________________

ആദ്യം അവര്‍ ശൂദ്രസ്ത്രീയെ ബലാല്‍സംഗംചെയ്തു ഞാനൊന്നുംപറഞ്ഞില്ല,
കാരണം ഞാനൊരു മേല്‍ജാതി ഹിന്ദുവായിരുന്നു
പിന്നീടവര്‍ മുസ്ലീംപെണ്ണിനെതേടി വന്നു, ഞാനൊന്നുംപറഞ്ഞില്ല
കാരണം ഞാനൊരു മേല്‍ജാതി ഹിന്ദുവായിരുന്നു
പിന്നീടവര്‍ മണിപ്പൂരിസ്ത്രീയെ തേടിവന്നു, ഞാനൊന്നുംപറഞ്ഞില്ല
കാരണം ഞാനൊരു മേല്‍ജാതി ഹിന്ദുവായിരുന്നു.
പിന്നീടവര്‍ എന്നെ തേടിവന്നു അപ്പോള്‍ എനിക്ക് വേണ്ടി ശ്രദ്ധേയമായ പ്രക്ഷോഭണങ്ങള്‍ അരങ്ങേറി
കാരണം ഞാനൊരു മേല്‍ജാതി ഹിന്ദുവായിരുന്നു.

__________________________________________

ആദ്യം അവര്‍ ശൂദ്രസ്ത്രീയെ ബലാല്‍സംഗംചെയ്തു ഞാനൊന്നുംപറഞ്ഞില്ല,
കാരണം ഞാനൊരു മേല്‍ജാതി ഹിന്ദുവായിരുന്നു
പിന്നീടവര്‍ മുസ്ലീംപെണ്ണിനെതേടി വന്നു ഞാനൊന്നുംപറഞ്ഞില്ല
കാരണം ഞാനൊരു മേല്‍ജാതി ഹിന്ദുവായിരുന്നു
പിന്നീടവര്‍ മണിപ്പൂരി സ്ത്രീയെ തേടിവന്നു, ഞാനൊന്നുംപറഞ്ഞില്ല
കാരണം ഞാനൊരു മേല്‍ജാതി ഹിന്ദുവായിരുന്നു.
പിന്നീടവര്‍ എന്നെ തേടിവന്നു, അപ്പോള്‍ എനിക്ക് വേണ്ടി ശ്രദ്ധേയമായ
പ്രക്ഷോഭണങ്ങള്‍ അരങ്ങേറി
കാരണം ഞാനൊരു മേല്‍ജാതി ഹിന്ദുവായിരുന്നു.

അവരുടെ ഉദാസീനതയ്ക്ക് ഘടനാപരമായ ഒരടിത്തറയുണ്ട്. ജാതി, ഗോത്രം, മതം, ലിംഗം എന്നിവയെ സ്ത്രീകള്‍ക്ക് നേരെയുളള വ്യവസ്ഥാപിതമായ അക്രമം സുഖകരമാക്കുന്ന വിഭജിത കാറ്റഗറികളായാണ് അവര്‍ കാണുന്നത്. അത്തരം പ്രശ്നങ്ങളുമായി ഇടപെടാനുള്ള യാതൊരു താല്‍പര്യവും അവരുടെ ഭാഗത്ത് ഞാന്‍ കാണുന്നില്ല. എന്നാല്‍ മറ്റൊരുതരത്തിലുള്ള ഉദാസീനതയില്‍പെട്ടിട്ടുള്ള സമുദായങ്ങളുമായി ഇടപെടാന്‍ തീര്‍ച്ചയായും ഞാനും ആഗ്രഹിക്കുന്നു. തുടക്കഘട്ടത്തില്‍ തന്നെ അതിനെ തടയാന്‍ കഴിയും എന്നാണ് ഞാന്‍ പ്രതീക്ഷിക്കുന്നത്. ലിംഗ ചോദ്യത്തെ അഭിമുഖീകരിക്കുന്ന ദലിത്, ആദിവാസി, ബഹുജന്‍ പുരുഷന്‍മാരുമായും അതിന് വേണ്ടി ചിലപ്പോഴൊക്കെ അവര്‍ തിരഞ്ഞെടുക്കുന്ന പ്രശ്ന കലുഷിതമായ രീതികളുമായും ബന്ധപ്പെട്ടതാണിത്.
സോഷ്യല്‍ മീഡിയ നെറ്റ് വര്‍ക്കുകളില്‍ ഒരുപാടാളുകള്‍ പ്രചരിപ്പിച്ച ഒരു ആദിവാസി സ്ത്രീയുടെ ഇമേജുകളിലേക്കാണ് ഈ ലേഖനത്തില്‍ ഞാന്‍ നിങ്ങളുടെ ശ്രദ്ധ ക്ഷണിക്കുന്നത്. എന്നാല്‍ ഈ ഇമേജുകള്‍ ഷെയര്‍ ചെയ്ത ദലിത്, ബഹുജന്‍, ആദിവാസി സമുദായങ്ങളില്‍പ്പെട്ട പുരുഷന്‍മാരിലേക്കാണ് ഞാനീ ലേഖനം തിരിക്കുന്നത്. എഴുതപ്പെട്ട അതേ സ്പിരിറ്റില്‍ തന്നെ ഇത് മനസ്സിലാക്കപ്പെടുമെന്നാണ് ഞാന്‍ പ്രതീക്ഷിക്കുന്നത് – ലിംഗബന്ധങ്ങളെക്കുറിച്ച നിര്‍മാണാത്മക സംവാദമായി.
വര്‍ഷങ്ങള്‍ക്ക് മുമ്പ് ഒരു ആദിവാസിസ്ത്രീ നഗ്നയായി നിരത്തിലൂടെ വലിച്ചിഴക്കപ്പെട്ടപ്പോള്‍ അവള്‍ക്ക് നീതി ലഭ്യമാക്കാന്‍ പലയാളുകളും മുമ്പോട്ട് വന്നു. ആദിവാസികളായ മുഴുവന്‍ എം.പി മാരുടെയും എം.എല്‍.എ മാരുടെയും എന്‍.ജി.ഒ കളുടെയും ആക്റ്റിവിസ്റുകളുടെയും എഴുത്തുകാരുടെയും ചുണ്ടുകളില്‍ അവളുടെ പേരുണ്ടായിരുന്നു. എല്ലായിടത്തും അവളുടെ ചിത്രങ്ങള്‍ പ്രദര്‍ശിപ്പിക്കപ്പെട്ടു. എന്നാല്‍ പ്രശ്നമെല്ലാം തണുത്തുറഞ്ഞതിന് ശേഷം കാര്യങ്ങള്‍ക്കൊന്നും വലിയ മാറ്റമൊന്നുമുണ്ടായില്ല. ഡല്‍ഹി മാനഭംഗ കേസോടുകൂടി പ്രശ്നം വീണ്ടും പൊങ്ങിവരുകയും ആളുകളെല്ലാം അവളെക്കുറിച്ച് സംസാരിക്കുകയും ചെയ്യുന്നുണ്ട്. അവള്‍ക്ക് നീതി ലഭ്യമാക്കണമെന്നാണ് അവര്‍ ആവശ്യപ്പെടുന്നത്.
അവരുടെ ഉല്‍ക്കണ്ഠയുടെ സ്വഭാവമാണ് എന്നെ അസ്വസ്ഥപ്പെടുത്തുന്നത്. നമ്മുടേത് ഒരു യാഥാസ്ഥിതിക സമൂഹമാണെന്ന് എല്ലാവരും പറയുന്നു. നഗ്നയായി നിരത്തിലൂടെ വലിച്ചിഴക്കപ്പെട്ട ഒരു സ്ത്രീക്ക് എന്ത് തരത്തിലുള്ള ജീവിതമാണ് ഇത് വാഗ്ദാനം ചെയ്യുന്നത്? അവള്‍ക്ക് ഒരു സാധാരണ ജീവിതം സാധ്യമാണോ? ഒരു അപര നാമത്തില്‍ അവള്‍ മറക്കപ്പെടേണ്ടതുണ്ടെന്നും തങ്ങളുടെ ചര്‍ച്ചകള്‍ക്ക് വേണ്ടി അവളുടെ നഗ്നചിത്രങ്ങള്‍ ഉപയോഗപ്പെടുത്തുകയും ചെയ്യരുതെന്ന് അവള്‍ക്ക് വേണ്ടി നീതി ആവശ്യപ്പെടുന്നവര്‍ മനസ്സിലാക്കാത്തത് എന്ത് കൊണ്ടാണ്? അവരുടെ മാതാവോ സഹോദരിയോ മകളോ ആയിരുന്നു ഈ സ്ഥാനത്തെങ്കില്‍ അവരിത് തന്നെ ചെയ്യുമായിരുന്നോ?

_____________________________________________

ആദിവാസി സ്ത്രീകളുടെ ആഘോഷിക്കപ്പെട്ട തുല്യപദവിയിലെ വൈരുധ്യത്തെയാണ് ഇത് കാണിക്കുന്നത്. ബുദ്ധിമുട്ടേറിയ സാഹചര്യങ്ങളില്‍ ആദിവാസി സ്ത്രീകള്‍ ഒരുപാട് ഭാരങ്ങള്‍ താങ്ങേണ്ടിവരുന്നുണ്ട്. വീടുകളിലെ ദാരിദ്യ്രം പിടികൂടുമ്പോള്‍ വീട്ടുവേലക്കാരിയായി അവള്‍ വില്‍ക്കപ്പെടുന്നു. രാഷ്ട്രീയത്തില്‍ സ്ഥാപിത താല്‍പര്യങ്ങള്‍ക്ക് വേണ്ടി അവള്‍ ഉപയോഗിക്കപ്പെടുന്നു. അവളുടെ തൊഴില്‍ / വ്യവഹാരത്തില്‍ നിന്ന് അവളൊഴികെ എല്ലാവരും ആനുകൂല്യം പറ്റുന്നു. ദലിത്, ബഹുജന്‍ ആദിവാസി സ്ത്രീകള്‍ക്കെതിരെയുള്ള മുന്‍കൂട്ടി ആസൂത്രണം ചെയ്ത ജാതി അക്രമങ്ങളുടെ  ലിംഗ സ്വഭാവം ഒരു പുതിയ പ്രതിഭാസമല്ല.

_____________________________________________

ആദിവാസി സ്ത്രീകളുടെ ആഘോഷിക്കപ്പെട്ട തുല്യപദവിയിലെ വൈരുധ്യത്തെയാണ് ഇത് കാണിക്കുന്നത്. ബുദ്ധിമുട്ടേറിയ സാഹചര്യങ്ങളില്‍ ആദിവാസി സ്ത്രീകള്‍ ഒരുപാട് ഭാരങ്ങള്‍ താങ്ങേണ്ടിവരുന്നുണ്ട്. വീടുകളിലെ ദാരിദ്യ്രം പിടികൂടുമ്പോള്‍ വീട്ടുവേലക്കാരിയായി അവള്‍ വില്‍ക്കപ്പെടുന്നു. രാഷ്ട്രീയത്തില്‍ സ്ഥാപിത താല്‍പര്യങ്ങള്‍ക്ക് വേണ്ടി അവള്‍ ഉപയോഗിക്കപ്പെടുന്നു. അവളുടെ തൊഴില്‍/ വ്യവഹാരത്തില്‍ നിന്ന് അവളൊഴികെ എല്ലാവരും ആനുകൂല്യം പറ്റുന്നു.
ദലിത്, ബഹുജന്‍ ആദിവാസി സ്ത്രീകള്‍ക്കെതിരെയുള്ള മുന്‍കൂട്ടി ആസൂത്രണം ചെയ്ത ജാതി അക്രമങ്ങളുടെ ലിംഗ സ്വഭാവം ഒരു പുതിയ പ്രതിഭാസമല്ല. ഇത് ചരിത്രപരമാണ്. ആധിപത്യ വര്‍ഗങ്ങളുടെ ക്രൂരവും ഞെട്ടിപ്പിക്കുന്നതുമായ അതിക്രമങ്ങളുടെ ഇരകളാണ് അന്നും ഇന്നും ദലിത്, ബഹുജന്‍ ആദിവാസി സ്ത്രീ പുരുഷന്മാര്‍. ബലാല്‍സംഗവും നിരത്തിലൂടെ നഗ്നരായി പ്രദര്‍ശിപ്പിക്കപ്പെടുന്നതും ഞങ്ങള്‍ക്കെതിരെ നടത്തപ്പെടുന്ന പ്രകടമായ ശാരീരിക അതിക്രമങ്ങളില്‍പെട്ട ഏതാനും ചിലത് മാത്രമാണ്.
ആദിവാസികളുടെ പൊതുസ്വത്വത്തെ അടിസ്ഥാനമാക്കി പ്രത്യേക അവകാശങ്ങള്‍ ആവശ്യപ്പെട്ടുകൊണ്ട് നടത്തിയ ഒരു റാലിയില്‍ പങ്കെടുത്ത ഞങ്ങളിലൊരാളെ നഗ്നയായി നിരത്തിലൂടെ പ്രദര്‍ശിപ്പിച്ചത് ആദ്യത്തെ സംഭവമൊന്നുമായിരുന്നില്ല. ജനങ്ങള്‍ അവളെ നോക്കി ചിരിക്കുകയും അവളുടെ ഫോട്ടോ എടുക്കുകയും ചെയ്യുന്നുണ്ടായിരുന്നു. മാധ്യമങ്ങള്‍ സംഭവം റിപ്പോര്‍ട്ട് ചെയ്യുന്ന തിരക്കിലായിരുന്നു. എന്‍ ജി ഓകള്‍ ആകട്ടെ അവള്‍ക്കേറ്റ പരിക്കുകള്‍ മറ്റുള്ളവരെ കാണിക്കുന്നതിലാണ് താല്‍പ്പര്യപ്പെട്ടത്.

ആദിവാസി നേതാക്കന്മാര്‍ നീതിയെക്കുറിച്ചായിരുന്നു അപ്പോള്‍ വാചാലരായത്. ദുഃഖകരമെന്ന് പറയട്ടെ,  അവളുടെ നഗ്നതയെ മറക്കണമെന്ന് ഒരാള്‍ പോലും ചിന്തിച്ചില്ല.
അവള്‍ക്ക് നീതി ലഭ്യമാക്കുക എന്നതാണ് എല്ലാവരുടെയും അജണ്ടയെങ്കില്‍, ഞങ്ങള്‍ ദലിത്, ആദിവാസി, ബഹുജന്‍ സ്ത്രീകള്‍ക്ക് അറിയേണ്ടത് ഇതൊക്കെയാണ്. എന്തുകൊണ്ടാണ് അവളുടെ കാര്യത്തില്‍ ഒരു അപര നാമം ഉപയോഗിക്കുന്നതിനെക്കുറിച്ച് ജനങ്ങള്‍ ചിന്തിക്കാതിരുന്നത്? ഇപ്പോഴും അവളുടെ യഥാര്‍ത്ഥ പേര് തന്നെ ഉപയോഗിക്കുന്നതെന്ത് കൊണ്ടാണ്? ജനത്തെ ആകര്‍ഷിക്കാന്‍ അവളുടെ  അന്തസ്സിനെ കളങ്കപ്പെടുത്താനുള്ള അവകാശം സോഷ്യല്‍ മീഡിയയിലെ അഭ്യസ്തവിദ്യര്‍ക്ക് ആരാണ് നല്‍കിയത്?  ദലിത്, ബഹുജന്‍, ആദിവാസി സ്ത്രീകള്‍ക്കെതിരെയുളള ക്രൂരകൃത്യങ്ങളെ കാണിക്കാന്‍ അവളുടെ നഗ്നത പൊതുവായി നിരന്തരം പ്രദര്‍ശിപ്പിക്കപ്പെടുന്നത് എന്തുകൊണ്ടാണ്? ഞങ്ങള്‍ക്ക് നേരെയുള്ള പീഢനങ്ങള്‍ക്കറുതി വരുത്തുന്നതിന് എന്നാണ് സോഷ്യല്‍ മീഡിയ താല്‍പര്യമെടുക്കുക?
കൂട്ടമായ പീഢനങ്ങളുടെ അടയാളമായി ഞങ്ങളുടെ നഗ്നതയെ ഉപയോഗിക്കുന്നതില്‍ നിന്നും എന്നാണ് ദലിത്, ബഹുജന്‍, ആദിവാസി പുരുഷന്മാര്‍ പിന്തിരിയുക? ഞങ്ങളുടെ മുറിവുകള്‍ പുറത്ത് കാണിക്കുന്നതും അത്തരം ചിത്രങ്ങള്‍ പ്രദര്‍ശിപ്പിക്കുന്നതും എന്നാണവര്‍ അവസാനിപ്പിക്കുക? ഞങ്ങളുടെ മനസ്സിനേറ്റ മുറിവുകളെ ശമിപ്പിക്കാന്‍ എന്നാണ് ഞങ്ങള്‍ക്ക് സാധ്യമാവുക? സ്ത്രീകളുടെ പ്രശ്നങ്ങള്‍ക്ക് സോഷ്യല്‍ മീഡിയ നെറ്റ് വര്‍ക്കുകളില്‍ പിന്തുണ നല്‍കുന്ന ദലിത്, ബഹുജന്‍, ആദിവാസി പുരുഷന്മാരെ അഭിനന്ദിക്കുന്നതോടൊപ്പം ഞങ്ങള്‍ക്കവരോട് ചില അപേക്ഷകളുമുണ്ട്. പ്രശ്നങ്ങളില്‍ സ്ത്രീകള്‍ ഇടപെടുവോളം കാത്തിരിക്കുക. കാര്യങ്ങള്‍ തുറന്നുപറയാനുള്ള കഴിവില്ലായ്മയായി ഞങ്ങളുടെ നിശബ്ദതയെ ദയവ് ചെയ്ത് തെറ്റിദ്ധരിക്കരുത്. ഞങ്ങളുടെ ചിന്തകള്‍ എന്തായിരിക്കുമെന്ന് മുന്‍കൂട്ടി അനുമാനിക്കരുത്. ലിംഗപരമായ പ്രശ്നങ്ങള്‍ ഉയര്‍ത്തുന്നതിന് മുമ്പ് ദലിത്, ബഹുജന്‍, ആദിവാസി സ്ത്രീകളോട് കൂടിയാലോചിക്കുകയും അവര്‍ക്ക് പറയാനുള്ളത് കേള്‍ക്കാനും ശ്രമിക്കുക. പീഢനങ്ങള്‍ക്കെതിരെയുള്ള പോരാട്ടത്തിലെ സഹയാത്രക്കാരായി ഞങ്ങള്‍ നിങ്ങള്‍ക്ക് അനുവദിച്ചുതന്ന സ്ഥാനം സന്തോഷപൂര്‍വ്വം സ്വീകരിച്ച് ഞങ്ങള്‍ക്ക് വേണ്ടി ശബ്ദിക്കുക  – ഞങ്ങളുടെ അനുഭവങ്ങളെ സങ്കല്‍പ്പിക്കാനും ഞങ്ങളുടെ കര്‍തൃത്വത്തില്‍ പ്രവേശിക്കാനും ദയവു ചെയ്ത് ശ്രമിക്കരുത്.
ദലിത്, ആദിവാസി, ബഹുജന്‍ പുരുഷന്മാര്‍ മേല്‍ സൂചിപ്പിച്ച കാര്യങ്ങള്‍ പ്രാധാന്യപൂര്‍വ്വം പരിഗണിക്കണമെന്നാണ് ഞങ്ങള്‍ ആഗ്രഹിക്കുന്നത്. കാരണം, നവോത്ഥാനത്തിലേക്ക് തെറ്റായ വഴികള്‍ സ്വീകരിക്കുന്നതില്‍ നിന്നും സ്വയം തന്നെ അതീവ ജാഗ്രത പുലര്‍ത്തുകയും അവയെ ആത്മവിമര്‍ശനത്തിന് വിധേയമാക്കുകയും ചെയ്യുന്ന പ്രാന്തവല്‍കൃത രാഷ്ട്രീയത്തിന്റെ ഭാഗമാണ് നാം. ലിംഗനീതിക്ക് പ്രാധാന്യം നല്‍കുന്ന സമൂഹത്തിന്റെ പുരോഗമനാത്മകമായ വീക്ഷണത്താലും മനുഷ്യസമത്വത്തിന്റെ തത്വങ്ങളാലും നയിക്കപ്പെട്ട ചരിത്രത്തിന്റെ പിന്തുടര്‍ച്ചക്കാരാണ് നാം. ദലിത്, ബഹുജന്‍, ആദിവാസി നേതാക്കന്മാരും പ്രസ്ഥാനങ്ങളും നമുക്ക് ദാനം നല്‍കിയതാണിത്.

പരിഭാഷ: സഹദ് സാല്‍വി