രാജ്യത്തെ മിക്ക ദുരന്തങ്ങൾക്കും വംശീയ കലാപങ്ങൾക്കും ശേഷം നടന്ന ദുരിതാശ്വാസ പ്രവർത്തനങ്ങളിൽ ഭരണകൂട സംവിധാനങ്ങൾക്ക് പുറമെ സന്നദ്ധ സംഘടനകൾ ഫണ്ട് പിരിക്കുകയും കാര്യമായി സേവനം നിർവഹിക്കുകയും ചെയ്തിട്ടുണ്ട്.സുനാമിയുടെ കാലത്തും ഗുജറാത്ത് വംശഹത്യക്ക് ശേഷവും അതുണ്ടായിട്ടുണ്ട്.എൻ ജി ഒകൾ സാമ്പത്തികവും അല്ലാത്തതുമായ തട്ടിപ്പ് നടത്തുന്നത് ചൂണ്ടിക്കാട്ടി തങ്ങൾക്ക് താൽപര്യമില്ലാത്ത സന്നദ്ധ സംഘടനകളുടെ പ്രവർത്തനം തടയാൻ കേന്ദ്ര സർക്കാർ കുറച്ചു കാലമായി ശ്രമിക്കുന്നുണ്ട്.സമാനമായ രീതിയിൽ എല്ലാം ഭരണകൂട കേന്ദ്രീകൃതമാകണം,അതു മാത്രമാണ് ശരിയും നന്മയും ,അല്ലാത്തതൊക്കെ തിന്മയും തട്ടിപ്പുമാണ് എന്ന വാദവുമായി സൈബർ സഖാക്കളുടെ പ്രചാരണം നടക്കുന്നുണ്ട്.ആയത് പരിഗണിച്ച് ജനകീയ പിന്തുണയോടെ സന്നദ്ധ സംഘടനകൾ നടത്തുന്ന എല്ലാ പ്രവർത്തനങ്ങളും നിർത്തി വെക്കേണ്ടതാണ്.അല്ലാത്ത പക്ഷം ഞങ്ങൾ നിയമം ഉണ്ടാക്കി അകത്തിടും.ജാഗ്രതൈ!!