പുതിയ സാമൂഹിക പ്രസ്ഥാനങ്ങളുടെ പശ്ചാതലത്തിൽ ഘടനാപരമായ സ്ഥാനവും വിഷയിസ്ഥാനവും തമ്മിൽ നടക്കുന്ന പ്രതിപ്രവർത്തനങ്ങളെക്കുറിച്ചുള്ള സംവാദങ്ങൾ ഏതെങ്കിലും പ്രസ്ഥാനങ്ങൾക്കോ വ്യക്തികൾക്കോ മുൻനിർണയിക്കാൻ കഴിയില്ല. നിരവധി ഇടർച്ചകളും പിളർപ്പുകളും സാധ്യമായ ഒന്നാണ് സ്വത്വരാഷ്ട്രീയത്തിന്റെ മണ്ഡലം. ട്രോമ പോലെ പല പിളർപ്പുകളിലൂടെ സഞ്ചരിക്കുമെങ്കിലും സ്വത്വരാഷ്ട്രീയത്തിന്റെ മണ്ഡലത്തിൽ നടക്കുന്ന ഈ മാറ്റങ്ങളിൽ ആഹ്ലാദവും ആശ്വാസവും നൽകുന്ന ഇടപെടലായി സൈദ്ധാന്തിക പ്രവർത്തനത്തെ കാണാൻ കഴിയേണ്ടതുണ്ട്.