ജനാധിപത്യത്തെ കുറിച്ചും പൗരാവകാശങ്ങളെ കുറിച്ചും ധാരാളമായി സംസാരിക്കുന്ന രാഷ്ട്രീയ പ്രസ്ഥാനങ്ങള്‍ നിലപാട് വ്യക്തമാക്കേണ്ട സന്ദര്‍ഭം കൂടിയാണിത്. പൗരന്റെ മൗലികാവകാശങ്ങളെ ധ്വംസിക്കുന്ന ഭീകരനിയമങ്ങള്‍ക്കെതിരെ നിലപാടെടുക്കാനും അത്തരം നിയമങ്ങളുടെ ഇരകളാകുന്ന മുസ്‌ലിം, ദലിത്, ന്യൂനപക്ഷ വിഭാഗങ്ങളോട് ഐക്യപ്പെടാനും അവര്‍ക്ക് ബാധ്യതയുണ്ട്. പൊതുതെരഞ്ഞെടുപ്പിനെ അഭിമുഖീകരിക്കുന്ന സാഹചര്യത്തില്‍ ഇത്തരം ഭീകരനിയമങ്ങള്‍ പ്രയോഗിക്കില്ലെന്നും അവ റദ്ദ് ചെയ്യുമെന്നും അവയ്ക്ക് വിധേയമായി തടവില്‍ കഴിയുന്നവരുടെ മോചനം എളുപ്പമാക്കാന്‍ ആവശ്യമായ നടപടി സ്വീകരിക്കുമെന്നും സ്വന്തം പ്രകടന പത്രികയില്‍ പ്രഖ്യാപിക്കുവാനും പ്രാവര്‍ത്തികമാക്കാനും തീര്‍ച്ചയായും രാഷ്ട്രീയ പ്രസ്ഥാനങ്ങള്‍ സന്നദ്ധമാവേണ്ടതുണ്ട്.
February 7, 2019