എന്നെ സെൻട്രൽ യൂണിവേഴ്സിറ്റി ഓഫ് കേരളയിൽ നിന്ന് പുറത്താക്കി. ഇന്നലെയാണ് ഡിസ്മിസൽ ഓർഡർ ജോൺ സാറിന്റെ കയ്യിൽ നിന്ന് വാങ്ങിയത്. 'ഫേസ്ബുക്കിൽ പോസ്റ്റിട്ടതിന് വിദ്യാർത്ഥിയെ യൂണിവേഴ്സിറ്റിയിൽ നിന്നും പുറത്താക്കി' എന്ന് തുറന്ന് കാട്ടി എന്നോട് അനുഭാവം പ്രകടിപ്പിക്കുന്നവരോട് ഞാൻ തീർച്ചയായും കടപ്പെട്ടിരിക്കുന്നു. അവരെല്ലാം ജനാധിപത്യത്തിന്റെ കാവലാളുകളാണ്. എന്നാൽ ഞാൻ പുറത്താക്കപ്പെട്ടതിൽ ഒരിക്കലും എനിക്ക് അത്ഭുതമില്ല, മാത്രമല്ല അതത്ര പ്രസക്തമായ നഷ്ടവുമല്ല. ഞാൻ ഒരു ശരാശരി നിലവാരമുള്ള വിദ്യാർത്ഥി മാത്രമാണ്. എനിക്ക് വലിയ അക്കാഡമിക്ക് ലക്ഷ്യങ്ങളുമില്ല. എന്നാൽ വിലക്കയറ്റവും തൊഴിളില്ലായ്മയും കൂടി കൊണ്ടേയിരിക്കുന്ന മത്സരാധിഷ്ഠിതമായ ഭാവിയിൽ, ഒരു വലിയ അരക്ഷിതമായ സാമൂഹ്യ വിഭാഗം അനിവാര്യമായി നേരിടേണ്ട പ്രതിസന്ധികളുടെ ഒരു പങ്ക് എനിക്കും അറിയേണ്ടി വന്നേക്കാം