About Us
Authors
Politics
World
Government
Election
Campus
Society
Caste
Religion
Gender & Sexuality
Education
Health
Environment
Economics
Sports
Science & Technology
Culture
History
Philosophy
Book
Media
Cinema
Art
Music
Creative Writing
Noticeboard
Events
Letters
Archives:
Social Media
ശ്രുതീഷ് കണ്ണാടി
ഇപ്പോഴും നീതിയെ കുറിച്ച് ബോധ്യമുള്ള, ജാഗരൂകരായ ഒരു സമൂഹം കേരളത്തിൽ ഉള്ളത് ഒരു പ്രതീക്ഷ തന്നെയാണ്. പക്ഷേ അതിഭീകരമായി അലോസരപ്പെടുത്തുന്നത് ഈ അവസരത്തിലും നിശബ്ദമായി ഇരിക്കാൻ കഴിയുന്ന വ്യവസ്ഥാപിത ഇടത് പക്ഷത്തിന്റെയും അവരുടെ അനുഭാവികളുടെയും രാഷ്ട്രീയമാണ്. ഏത് സ്ത്രീപക്ഷ രാഷ്ട്രീയത്തെ കുറിച്ചാവും ഇവർ ഇത്രയും കാലം സംസാരിച്ചു കൊണ്ടിരുന്നത്? ഏത് ജനതയുടെ നീതി നിഷേധത്തെ കുറിച്ചാണ് ഇവർ ഇത്രയും കാലം ആകുലതകൾ പ്രകടിപ്പിച്ചത്? ഏത് മനുഷ്യരെ കുറിച്ച്, ഏത് സമൂഹത്തെ കുറിച്ച്, ആരുടെ അതിജീവനത്തിന് വേണ്ടി നിലകൊണ്ടു എന്നാണ് ഇവർ ഇപ്പോഴും അവകാശപ്പെട്ടു കൊണ്ടിരിക്കുന്നത്? തങ്ങൾ അല്ലാത്തവരുടെ നീതിയെ, അവകാശങ്ങളെ, പോരാട്ടങ്ങളെ അപഹസിച്ചുകൊണ്ട് നാളെ ഇവർ വീണ്ടും ജനാധിപത്യത്തെ കുറിച്ച്, ഫാസിസത്തെ കുറിച്ച്, ലിംഗ നീതിയെ കുറിച്ച് സംസാരിക്കാൻ മുൻപന്തിയിൽ തന്നെ ഉണ്ടാകും എന്നതാവും ഇനി കാണാൻ പോകുന്ന ഏറ്റവും വലിയ അശ്ലീല കാഴ്ച.
പ്രമോദ് ശങ്കരൻ
നിങ്ങളുടെ കെെയ്യില് അധികമുള്ള രണ്ട് ടിവിയില് ഒന്ന് ദാനം നല്ക്കുക! നല്ല കാര്യം. ഇനി ഇങ്ങനെ പറഞ്ഞു നോക്കു: നിങ്ങള് അധികം കെെടക്കിവച്ചിരിക്കുന്ന അധികാര കേന്ദ്രങ്ങളില് തുല്യ പങ്കാളിത്തം നല്കൂ. നിങ്ങള് അധികം കയ്യടക്കിയിരിക്കുന്ന ഭൂമിയുള്പ്പെടെയുള്ള വിഭവ സമ്പത്തില് തുല്യ പങ്കാളിത്തം നല്കൂ. നിങ്ങള് അധികം കയ്യടക്കിയ സാമൂഹിക/സാംസ്ക്കാരിക ഇടങ്ങളില് സാഹോദര്യവും ജനാധിപത്യവും പാലിക്കൂ.. ഡിയർ കൊമ്രേഡ്സ്, ഇതൊരു ടിവി പ്രശ്നമല്ല. നീതിയുടെ പ്രശ്നമാണ്.
നന്ദു പാർവതി പ്രദീപ്
അഞ്ജന ആത്മഹത്യ ചെയ്തതല്ല. കൊന്നുകളഞ്ഞതാണ്!ക്വിയർ സ്വത്വം തുറന്നുപറഞ്ഞ അഞ്ജനയുടെ കുടുംബത്തിന്റെ ദുരഭിമാനമാണവളെ കൊന്നത്. സ്വന്തം മകളെ വീട്ടുതടങ്കലിൽ വയ്ക്കാനും, മാനസികാരോഗ്യ കേന്ദ്രത്തിലയച്ച് ആവശ്യമില്ലാതെ മരുന്നുകൾ കുത്തിവെച്ച് ‘ചികിത്സിപ്പിക്കാനും’ അവരെ പ്രേരിപ്പിച്ചത്, നമ്മുടെ സമൂഹത്തിൽ ഇപ്പോഴും നിലനില്ക്കുന്ന ക്വിയർഫോബിയ ആണ്. അഞ്ജനയെക്കൊന്നത് കാലാകാലങ്ങളായ് ക്വിയർ സ്വത്വങ്ങളെ ഇല്ലായ്മ ചെയ്തു കൊണ്ടിരിക്കുന്ന നമ്മുടെ ഹെറ്ററോനോർമറ്റിവ് സമൂഹമാണ്. അതിന്റെ അന്ധമായ പ്രജുഡിസിന്റെയും അജ്ഞതയുടെയും അവസാനത്തെ ഇരയാണ് അഞ്ജന.
മുഹമ്മദ് ഫർഹാദ്
സ്ക്രിപ്റ്റ് റൈറ്ററുടെയും, കൊറിയോഗ്രഫറുടെയും, ഫൈറ്റ് മാസ്റ്ററുടെയും, ഡയറക്ടറുടെയും മറ്റനേകം സാങ്കേതിക വിദഗ്ദരുടെയും കൂടി ശ്രമഫലമാണ് ഇന്ന് നമ്മൾ കാണുന്ന എല്ലാ മുഖ്യധാര നായിക നായകന്മാരുടെയും താരമൂല്യം. ഈ എല്ലാ ജോലിയും ഒരു മൊബൈൽ ഫോൺ വെച്ച് ഒറ്റക്ക് ചെയ്തിട്ടാണ് ഒരാൾ ടിക്ടോക്കിൽ ദൃശ്യത നേടുന്നത്. ഒരാൾ അയാളുടെ മിനിമം സാധ്യതകൾ ഉപയോഗിച്ച് നിരന്തരം പെർഫോം ചെയ്യുന്നു. അയാൾ അയാളുടേതായ ഓഡിയൻസിനെ ഉണ്ടാക്കുന്നു. അത് വഴി അയാൾ സിനിമകളിലും ഷോർട്ട് ഫിലിമുകളിലും അവസരം നേടുന്നു. ഇതിലെന്താണിത്ര ചിരിക്കാൻ. ദൃശ്യത മാത്രമാണിവിടുത്തെ മാനദണ്ഡം, അതിനവർക്ക് അവരുടെ തനി വഴികളുമുണ്ട്. അതുപോലെയാണോ ഈ യൂട്യൂബ് വിമർശന വാണങ്ങൾ. അപരനെ വികലമായി പരിഹസിക്കുന്നതിലൂടെ അവരുടെ വിസിബിലിറ്റി തനിക്കും വന്നു ചേരുമെന്ന് വ്യാമോഹിക്കുന്നവർ. അന്യൻ്റെ നെറ്റിയിലെ വിയർപ്പ് കൊണ്ട് ചുളുവിൽ അപ്പം തിന്നാൻ നടക്കുന്നവരല്ലേ നാണിക്കേണ്ടത്?
അനു
നഴ്സിങ്ങിന് സമൂഹത്തിൽ സ്വീകാര്യത നേടി കൊടുക്കുന്നതിനു സന്യാസിനി സ്ഥാപനങ്ങൾ കാര്യമായ പങ്കു വഹിച്ചിട്ടുണ്ടെങ്കിൽ കൂടിയും, ഈ ബന്ധം നഴ്സുമാർക്ക് ഗുണത്തേക്കാൾ ദോഷമാണ് ചെയ്തിട്ടുള്ളത്. ഇത്തരത്തിൽ ക്രിസ്ത്യൻ മിഷനറി സ്ഥാപനങ്ങളിലൂടെ രൂപപ്പെട്ടു വന്ന തൊഴിലായതു കൊണ്ട് തന്നെ സന്യാസിനി ജീവിതത്തിന്റെയും മിഷൻ സ്ഥാപനങ്ങളുടെയും അടിസ്ഥാന മൂല്യങ്ങളാണ് നഴ്സിങ് എന്ന തൊഴിലിലും ഉൾച്ചേർന്നിരിക്കുന്നതു. സേവന സന്നദ്ധതയും പ്രതിഫലം പ്രതീക്ഷിക്കാത്ത ത്യാഗവും അർപ്പണബോധവും ഈ തൊഴിലിന്റെ പ്രധാനപ്പെട്ട യോഗ്യതയായി നമ്മൾ ഇന്നും കരുതുന്നു. പക്ഷേ ക്രിസ്ത്യൻ മിഷനറി സ്ഥാപനങ്ങളുടെ നിലനിൽപ് സന്യാസിനിമാരുടെയോ അതിലെ അംഗങ്ങളുടെയോ ശമ്പളത്തിലൂടെ മാത്രം അല്ല. അവർക്കു മറ്റു വരുമാനമാർഗ്ഗങ്ങൾ ഉണ്ടെന്നു മാത്രമല്ല ദാരിദ്ര്യ വ്രതം സ്വർഗം ഉറപ്പു കൊടുക്കുന്നുമുണ്ട്. പക്ഷേ നഴ്സുമാരുടെ കഥ അതല്ലല്ലോ. നഴ്സിങ് ഒരു തൊഴിലാണ്. ഉപജീവന മാർഗമാണ്. അതുകൊണ്ടു തന്നെ അതിനെ ത്യാഗം, സഹനം തുടങ്ങിയ മൂല്യങ്ങളുടെ മഹത്വവൽക്കരണത്തിൽ നിന്ന് മോചിപ്പിക്കുകയാണ് ആദ്യം വേണ്ടതെന്നു തോന്നുന്നു.
റെജി ദേവ്
കീഴാള ബീഹാറി ഹിന്ദി സംസാരിക്കുന്ന കൻഹയ്യക്ക് പഠിച്ച പണി പതിനെട്ടു നോക്കിയിട്ടും കഴിയാത്തത് ആസാദിന് കഴിഞ്ഞതിനു പിന്നിൽ ഈ രാജ്യത്തെ യാഥാർഥ്യമുണ്ട്. സവർണരെ പിന്തുണയ്ക്കുന്ന ഇടതുപക്ഷ ലിബറൽ സ്പേസുകളും ഈ രാജ്യത്ത് തൊറ്റു പോകുന്നത് അവിടെയാണ്. അവർക്ക് ആസാദിനെ പോലൊരു നേതാവ് ഇത്രയും കാലമായിട്ടും ലഭിക്കാത്തതിന് പിന്നിൽ ഹിന്ദുത്വയുടെ ഉറവിടമായ ബ്രാഹ്മണ്യമാണ്.
അജിത്കുമാർ എ.എസ്.
കോഫി അഗാവു എന്ന ചിന്തകന് constructed differenceന്റെ പ്രശ്നം പറഞ്ഞിട്ടുണ്ട്. നിര്മിക്കപെട്ട വ്യത്യസ്തയെ ഏറ്റുപിടിക്കാന് വ്യക്തിപരമായി താൽപര്യമില്ല. ദലിത്, ആദിവാസി ശരീര ഘടനയെ, നിറത്തെ മ്യൂസിയം പീസാക്കുന്ന നിലപാട് യോജിക്കാന് കഴിയില്ല. നമ്മൾക്ക് പല നിറങ്ങളും പല ശരീരഘടനയും ഉണ്ട്. ഒന്നിലേക്ക് ചുരുക്കി കാഴ്ചയ്ക്ക് വെക്കേണ്ട. പിന്നെ സംവരണം എന്ന ആശയം സൃഷ്ട്ടിപര്മാണ്. എന്നാല് നിങ്ങള് ദലിത്, കറുത്ത കഥാപത്രങ്ങളെ അവതരിപ്പിച്ചാല് മതി എന്ന നിലയില് ഒരു മണ്ഡലത്തില് ഫ്രീസ് ചെയ്യുന്നത് അംഗീകരിക്കാന് പറ്റില്ല.
കെ കെ ബാബുരാജ്
ആധുനിക സ്ത്രീവാദങ്ങൾ മുതൽ കറുത്തവരുടെയും അരികുജനതകളുടെയും മുന്നേറ്റങ്ങൾ വരെ സ്വത്വ വാദത്തിന്റെ ഭാഗമാണ്. ശബ്ദം ഇല്ലാതിരുന്നവരുടെ ആത്മ കഥനങ്ങൾ മുതൽ പുതുകാല യുദ്ധവിരുദ്ധ പ്രസ്ഥാനം വരെയും അതിന്റെ വ്യാകരണമാണ്. ഇന്നു ലോകമെമ്പാടും പറിച്ചെറിയപ്പെടുന്നവരും പൗരത്വത്തിൽ നിന്നും പുറന്തള്ളപ്പെടുന്നവരും സ്വത്വവാദത്തിലേക്കാണ് അണിചേരുന്നത്. ശശി തരൂരിനെ പോലുള്ളവർക്ക് ശപിച്ചു അതിനെ ഇല്ലാതാക്കാൻ കഴിയില്ല. കാരണം, ദെറിദ പറഞ്ഞ ജനാധിപത്യത്തിന്റെ ആത്മ വിമർശനത്തിലാണ് സ്വത്വവാദത്തിന്റെ വേരുകൾ ആഴ്ന്നു കിടക്കുന്നത്.
മുഹമ്മദ് ഉനൈസ്
ഹോമോഫോബിയയെ പറ്റി വ്യക്തമായ ബോധമുള്ള ഒരു കൂട്ടർക് ഇസ്ലാമോഫോബിയയെ പറ്റി അറിയില്ല. നേരെ തിരിച്ച് ഇസ്ലാമോഫോബിയയെ സൂക്ഷ്മ രാഷ്ട്രീയത്തിൽ നോക്കികാണുന്ന ഒരു കൂട്ടർക്ക് ഹോമോഫോബിയയെ പറ്റിയും മനസിലാക്കാൻ കഴിഞ്ഞിട്ടില്ല. ഗോഡ്സെ-സവർക്കർ ബന്ധത്തെ പൊതുബോധത്തിന്റെ ഹോമോഫോബിയ ടൂൾ ഉപയോഗിച്ച് ആഘോഷമാക്കുന്ന സെൻസേഷനലിസ്റ്റ് മാധ്യമ പ്രവർത്തനം ഇതിനുദാഹരണം ആണ്. സവർക്കർ ചെറുപ്പത്തിലേ പള്ളിക്ക് കല്ലെറിഞ്ഞതും തീവ്ര വർഗീയ രാഷ്ട്രീയം പയറ്റിയതുമൊന്നും തലക്കെട്ടാവാതെ സവർക്കറിന്റെ സ്വവർഗാനുരാഗം മാത്രം തലക്കെട്ടാവും.
ലബീബ
മുസ്ലിം ലീഗ് ഇല്ലെങ്കില് മുസ്ലിം സമുദായം ഒന്നാകെ തീവ്രവാദികള് ആയി പോകുമായിരുന്നു എന്ന് പറഞ്ഞ joy മാത്യു വിനെ ഇനിയാരും പൗരത്വ bill പ്രക്ഷോഭങ്ങളിൽ സംസാരിക്കാൻ വിളിക്കരുത്. അപ്പുറത്ത് നിരപരാധികളെ വെട്ടി കൊല്ലുന്നവരുടെ ആദർശത്തിൽ അനേകം മനുഷ്യർ ആകൃഷ്ടരാവുമ്പോൾ ,മുസ്ലിം സമുദായത്തിന് നേരെ വെറുപ്പിന്റെ വാക്കുകൾ സംസാരിക്കുന്ന കെ.ആർ. ഇന്ദിര മാർ വരെയുണ്ടാകുമ്പോൾ മുസ്ലിം സമുദായത്തെ സംശയത്തിന്റെ മുൾമുനയിൽ നിർത്തുന്ന പ്രസ്താവനകൾ നടത്തുന്നവർ വിശ്വസിക്കാൻ കൊള്ളാവുന്നവർ അല്ല.
ബിജു ബാലകൃഷ്ണൻ
പാർവ്വതി പറഞ്ഞപ്പോള് മാത്രം ഇവിടെ ഇസ്ലാമോഫോബിയ ഉണ്ടെന്ന് തിരിഞ്ഞറിവരെയും പറയുന്നത് അവരായത്കൊണ്ട് അത് സമ്മതിക്കുന്നവരോടുമാണ്, ഇങ്ങിനെയൊന്നിവിടെ ഉണ്ടെന്ന് നിങ്ങള്ക്കായിട്ടിതുവരെ സ്വയം തോന്നാത്ത ആ നിഷ്കളങ്കതയുണ്ടല്ലോ അതൊരു വല്ലാത്തതരം നിഷ്കളങ്കത തന്നെയാണ് കേട്ടോ….
ഹാഷിർ കെ മുഹമ്മദ്
Don’t forget,Holocaust was legal so fight against the legal system.
Next Entries »